IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > u Burundi > Alain Guillaume BUNYONI avuga ko ata muntu ahohoterwa ahowe (...)

Alain Guillaume BUNYONI avuga ko ata muntu ahohoterwa ahowe umugambwe

mardi 17 Ndamukiza 2018, par Egide NDUWIMANA

Ariko ashikiriza ivyaranguwe n’ubushikiranganji bw’umutekano mu mezi 3 aheze, Alain Guillaume BUNYONI yamenyesheje ko iyo umuntu uwariwe wese ahohotewe biciye kubiri n’amategeko ari umwitwarariko w’abajejwe umutekano kandi iyo habaye akaguma gatewe n’ihohoterwa ryakozwe n’abajejwe umutekano batabara, bagakorana n’inzego zijejwe ubutungane kugira amategeko akurikizwe.

Alain Guillaume BUNYONI yavuze ko namba hari abahohotera abandi, bikorwa n’abava mu bwoko bwose, imigambwe yose n’amadini yose, agasaba ko abantu bakwiye kuza baravuga uko bimeze, iyo umuntu akoze ikosa umugambwe ntabe ariwo uboneka ubwa mbere.

Alain Guillaume BUNYONI yavuze ati : “Abantu baze baravuga uko ibintu biri, inka tuyite inka, iyo umuntu yakoze amakosa canke yarenganijwe, umugambwe wiwe siwo woca uboneka. ”

JPEG - 107.1 ko
Alain Guillaume BUNYONI, umushikiranganji w’umutekano

Uwo mushikiranganji w’umutekano amenyesha ko inzego z’umutekano zimaze gutunganiriza abarundi imyaka itari mike, akavuga ko abantu badakwiye kwiha akaranga mu kudurumbanya umutekano kugira bavugangwe, ahubwo uwuhohotewe yokwitura inzego z’umutekano kugira atunganirizwe biciye mu nzira y’amategeko n’ituze.

Nayo ku bijanye n’ibivugwa ko hari abafatwa bariko barigisha kuzotora “OYA”, umushikiranganji Alain Guillaume BUNYONI yamenyesheje ko uwofatwa ariko aravyigisha yohanwa kuko ikiringo co kwigisha ivyerekeye ivy’ibwirizwa shingiro kigengwa n’amategeko kandi kitaragera.


Vianney BIKORIMANA

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.