"Amafaranga Reta yakoresheje mu gice ca mbere c’umwaka yavuye mu makori" - Joseph BUTORE

Yanditswe na MUGISHA Van Naris
Kuya 5 Gitugutu 2017 saa 11:46
Yasomwe : 17082
0 0

Icegera ca kabiri c’umukuru w’igihugu Joseph BUTORE amenyesha ko amafaranga yinjiye mu kigega ca Reta gushika mu mpera z’ukwezi kwa gatandatu umwaka wa 2017, asumba ayari yinjiye muri ico kiringo mu mwaka uheze wa 2016.

Imbere y’abashingamateka n’abakenguzamateka kuri uno wa kane igenekerezo rya 5 Gitugutu 2017, ashikiriza ivyaranguwe mu mezi atandatu ya mbere y’umwaka mu gisata c’ubutunzi n’imibano, Joseph BUTORE amenyesha ko amafaranga imiriyaridi 348,9 yinjiye, mu gihe mu mwaka uheze hinjiye imiriyaridi 305,6 muri ico kiringo nyene.

Joseph BUTORE amenyesha ko ayo mafaranga yiyongereyeko ayashika imiriyaridi 43,3 n’ukuvuga ibice 14,2 kw’ijana ata handi yavuye atari mu makori yatojwe mu bisata bitandukanye, harimwo igisata c’igitoro.

Mu bijanye no kugenzura ingene ibikorwa vyakozwe, icegera ca kabiri c’umukuru w’igihugu avuga ko ivyigwa 14 vyakozwe kandi n’ivyegeranyo bihuye navyo vyamaze gusohoka mu mezi atandatu ya mbere y’umwaka.

JPEG - 32.5 ko
Joseph BUTORE,Icegera ca kabiri c’umukuru w’igihugu

Icegera ca kabiri c’umukuru w’igihugu asanzwe agenzura ubushikiranganji 12 buraba ibijanye n’imibano n’ubutunzi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha