Amasezerano y’ugufashanya hagati ya CIRGL na EISA yateweko umukono

Yanditswe na Egide NDUWIMANA
Kuya 31 Mukakaro 2017 saa 01:14
Yasomwe : 8721
0 0

Amasezerano y’ugufashanya hagati y’ishirahamwe ry’ibihugu bihurikiye mu karere k’ibiyaga binini hamwe n’ikigo kijejwe amatora n’intwaro rusangi muri Afrika yemejwe kuri uwu wa mbere. Ayo masezerano akaba ari ayo gufashanya mu myiteguro myiza y’amatora mu bihugu bigize iryo shirahamwe CIRGL (Conférence Internationale sur la Région des Grands Lacs), mu ntumbero y’ugukomeza intwaro rusangi muri Afrika.

Denis KADIMA, umuyobozi nshingwabikorwa w’ikigo EISA co muri Afrika y’epfo (Electoral Institute for Sustainable Democracy in Africa), yizera ko ayo masezerano y’ugukorera hamwe na CIRGL (Conférence Internationale sur la Région des Grands Lacs) azofasha mu guhanahana ubumenyi, hamwe n’ugutegurira hamwe ibijanye n’uburorerezi bw’amatora mu bihugu bigize ishirahamwe ry’ibihugu bihurikiye mu karere k’ibiyaga binini. Kubwa Denis KADIMA, ayo masezerano azofasha kandi kugira amatora atunganwa abe ari ayizewe, kandi abereye ku mugaragaro.

JPEG - 155.2 ko
Denis KADIMA, umuyobozi nshingwabikorwa w’ikigo EISA

Mu gihe hoba ukutumvikana n’indyane hagati y’abahiganwa mu matora abera mu bihugu bigize CIRGL, Denis KADIMA, umuyobozi nshingwabikorwa wa EISA yamenyesheje ko ayo masezerano ategekanya ko bazoshikiriza ivyiyumviro vyabo, mu ntumbero y’ugutorera umuti amatati azoba yibonekeje mu matora.

Ambassadeur Zachary Muburi-Muita asanzwe ariwe munyamabanga nshingwabikorwa wa CIRGL amenyesha ko ayo masezerano azofasha gukomeza intwaro rusangi mu bihugu bigize iryo shirahamwe.

JPEG - 174 ko
Ambassadeur Zachary Muburi-Muita asanzwe ariwe munyamabanga nshingwabikorwa wa CIRGL

Ishirahamwe CIRGL ry’ibihugu vyo mu karere k’ibiyaga binini rigizwe n’ibihugu : Burundi, Repuburika iharanira intwaro rusangi ya Congo, Centrafrika, Angola, Congo Brazzaville, Kenya, Rwanda, Sudani, Sudani y’epfo, Tanzaniya, Uganda hamwe na Zambia.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha