Amatohoza ya OLUCOME yerekanye ko umugambwe CNDD FDD ukoresha uburyo bwa Reta mu myiyamamazo

Yanditswe na IGIHE
Kuya 4 Rusama 2018 saa 11:20
29685
0 0

Ishirahamwe OLUCOME ryiyemeje kurwanya abarya ibiturire rimenyesha ko ingingo ya 69 y’ibwirizwa shingiro ry’Uburundi itariko irubahirizwa mu myiyamamaza y’amatora yatangujwe kuva kuri uwu wa gatatu. Iyo ngingo ivuga ko ubutunzi n’ibikoresho vya Reta bitegerezwa kwubahirizwa hamwe n’ugukingirwa.

Ishirahamwe OLUCOME, mw’itangazo ryasohoye kuri uwu wa gatanu, ryamenyesheje ko ryatangajwe n’ukubona umugambwe CNDD FDD uri ku butegetsi uriko ukoresha imiduga hamwe n’uburyo bwa Reta mu myiyamamazo y’uguhinyanyura ibwirizwa shingiro.

Mu matohoza ishirahamwe OLUCOME rivuga ko ryakoze, indongozi zo mu mugambwe CNDD FDD zagirizwa ko zikoresha iyo miduga ya Reta mu myiyamamaza, ariko ko imparati (Plaques) z’iyo miduga ibanza kunyegezwa canke gukurwako.

JPEG - 46.1 ko
Gabriel RUFYIRI, umukuru w’ishirahamwe OLUCOME

Imwe muri iyo miduga, nk’uko bivugwa na OLUCOME, ikoreshwa mu kwunguruza ivyuma bishikana amajwi kure (Instruments de sonorisation). Kubw’amatohoza ya OLUCOME, hari na bamwe mu ndongozi z’Uburundi zikomoka muri CNDD FDD zihabwa amafaranga y’akavunamusase n’impamba (Frais de mission) kandi bataba bari mu bikorwa vy’akazi ka Reta.

Ishirahamwe OLUCOME rihamagarira umugambwe uri ku butegetsi ko wohagarika ukwo gukoresha uburyo bwa Reta mu myiyamamazo, Reta nayo igasabwa kudasubira gusohora amafaranga akoreshwa mu gatutu (Rafraichissement) gahabwa ababa bitavye iyo myiyamamazo.


Kumenyekanisha

1
Ndagijimana Clovis 12-05-2018 à 21:02

None Kuvyerekeye Naniyombari Yoba Arih?

2
OKAY 5-05-2018 à 06:47

Nibakurikize amategeko rero. Nibahanwe ababizigamwo uruhara hanyuma bareke kubesha abanyagihugu ngo bafise ibindi batuzaniye atari bwabubeshi bwamisi yose. Tora OYA Ubwo ububeshi bwabo tubwiyame twese.

3
Mama 4-05-2018 à 18:23

Ishirahamwe OLUCOM rihamagarira aba CNDD FDD kudakoresha uburyo bwa reta bitabaye ivyo rirabashohorerako ababiligi nababdibose bakora nkabakoroni bahashe aba CNDD FDD.

4
Mahoro 4-05-2018 à 15:18

Ahubwo bahanwe kuko baba banataye akazi twabahaye!

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha