Amazu y’ubudandaji umunani (Kiosques) yo mw’isoko ya Buterere yahiye

Yanditswe na Egide NDUWIMANA
Kuya 25 Gitugutu 2017 saa 12:30
Yasomwe : 8433
0 0

Umuriro wadutse mw’isoko ya Buterere, mu gisagara ca Bujumbura mw’ijoro ryo kuri uwu wa kabiri, nk’igihe c’isaha indwi z’ijoro, wahitanye utuzu 8 tudandarizwamwo (Kiosques). Utwo tuzi twose twarahiye turatokombere, n’ivyarimwo vyose.

Mu giporisi bamenyesha ko iyo mpanuka y’umuriro yatewe n’umuriro wavuye mu tuzu tw’abakora ibintu vy’ivyuma basize badatunganije neza ivyo bariko barakoresha vyarimwo umucanwa, ari navyo vyabaye inkomoko y’uwo muriro, nk’uko bivugwa na Petero NKURIKIYE, umuvugizi w’igiporisi c’Uburundi. Igiporisi kiracaharura ivyononekariye muri uwo muriro.

"Ivyononekaye ntibiramenyekana igitigiri cavyo, kuko kuva mu gatondo hari igikorwa c’ukubiharura, kuko bene ivyo bintu bose siho bari kugira umwe wese avuge ivyo yibuka vyarimwo. Ni igikorwa kikibandanya."

Petero NKURIKIYE avugira igiporisi c’Uburundi amenyesha ko ikigiye gukorwa ari uguhimiriza abadandaza bibutse ko abantu bose bakoresha ibintu birimwo umuriro canke umuyagankuba ko boza bararaba neza ko babizimije imbere y’ukwugara ibibanza badandarizamwo, kuko arivyo bikwega impanuka z’umuriro.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha