Advertisement
Kumenyekanisha
  IGIHE.bi \BB Amakuru \BB u Burundi
Arusha : Reta y’Uburundi ntiyitavye ibiganiro vyatumweko n’umuhuza MKAPA
Yanditswe taliki ya 15-02-2017 - isaha 21:44' na IGIHE

Reta y’Uburundi iremera ko yaronse ubutumire bw’ibiganiro bizotangura kuri uwu wa kane igenekerezo rya 16 Ruhuhuma 2017 i Arusha, ariko muri Reta bakavuga ko batazokwitaba ivyo biganiro kubera vyatumiwemwo abadashobora kwicarana na Reta y’Uburundi.

Mw’itangazo Reta y’Uburundi yasohoye kuri uwu wa gatatu, yamenyesheje ko yiyamirije ingendo yoza guhungabanya ivyo Abarundi bamaze gushikako mu biganiro bihuza Abarundi biriko bibera mu Burundi. Reta y’Uburundi yamenyesheje kandi urutonde rw’abatumiwe n’umuhuza MKAPA rutubahiriza amategeko mpuzamakungu, nk’uko vyashikirijwe na Claude KARERWA, icegera c’umuvugizi w’umukuru w’igihugu c’Uburundi.

Mu gihe umuhuza mu biganiro vy’Abarundi, Benjamin William yatumiye bamwe mu bagirizwa ko bagerageje gutembagaza ubutegetsi bw’umukuru w’igihugu Petero NKURUNZIZA, ubutungane bw’Uburundi bubandanya gusaba ko bohagarikwa, bagashikirizwa ubutungane bw’Uburundi kugira bubakurikirane kuvyo bagirizwa.

Ibiganiro bihuza Abarundi bizotangura kuri uwu wa kane igenekerezo rya 16 Ruhuhuma 2017, i Arusha mu gihugu ca Tanzaniya. Naho Reta y’Uburundi yamaze kumenyesha ko itazohonyozayo ikirenge, bamwe mu batumiwe bashitse kuri uwu wa gatatu, buca ivyo biganiro biba. Abo nabo ni : Domisiyano NDAYIZEYE yahoze ari umukuru w’igihugu, Agathon RWASA icegera ca mbere c’umukuru w’inama nshingamateka, Sylvestre NTIBANTUNGANYA yahoze ari umukuru w’igihugu, hamwe n’abandi banyeporitike bavuye hanze y’Uburundi.

Mu runani CNARED bavuga ko barungitse umurwi ukomeye "Délégation de haut niveau" i Arusha, uwo murwi ukazoba ugiye gusubira kwibutsa ivyasabwe n’urwo runani ko umuhuza MKAPA yohindurwa, vyanse naho umuhuza ahabwe abandi bamufasha batanzwe n’ishirahamwe mpuzamakungu ONU n’ubumwe bwa Afrika, kugira "MKAPA ashobore gukora yigenga", nk’uko muri CNARED babisaba. Abo baserukira CNARED bagashika i Arusha mu gatondo ko kuri uwu wa kane, umunsi w’ibiganiro.

Abandi banyeporitike batavuga rumwe n’ubutegetsi boba bararonse ubutumire ni : Charles NDITIJE, Hussein Radjabu, Godefroid NIYOMBARE, Frederike BAMVUGINYUMVIRA, Leonce NGENDAKUMANA, Agathon RWASA, Bernard BUSOKOZA, Leonidas HATUNGIMANA yahora avugira umukuru w’igihugu, Onesime NDUWIMANA yahora avugira umugambwe CNDD FDD, Yohani MINANI atwara CNARED, Alexis SINDUHIJE, Piyo NTAVYOHANYUMA hamwe na Gervais RUFYIKIRI.

Ivyiyumviro vyanyu

ntaconabivugako

20.02.2017 à 10:03
GodefoidTuyisabe

Mbega Mwumba Kuki Ivyuvuga Vyose Witwaza Urwanda ? Barakwiyama Ntiwumva Uzumvirayo. Noneho Warivugiye Kuri Umukukuruke Ntibitangaje. Narakubwiye Kugeze Muri Retour D’ages.

19.02.2017 à 12:18
Cobla Rouge

Emwe Nuburundi Bwaragowe.None Hoja Kubonana Abumvikana.Ahubwo Hagenda Abatumvikana !Ahubwo Nibareke Kudukinirako Amanyanga Gusa.

17.02.2017 à 17:40
Ntahokaja Vianney

turagow abarundi twari tuzi ko tugiye gutora agahenge tuzi ko reta yitaba nn ikuyemwo akarenge rek turabe ibizoherera .

Nkawe wiyita MWUMBA muriyi nkuru haraho banditse u RWANDA ? Ese kuki wigira umuvugizi harumunyarwanda wabigusabye ubwo se ushatse kwerekana ko ukunda u Rwanda kuturusha twe banyirarwo ?icyo twasaba abarundi mwese aho muri hose nuko mutajya muzana Cg muvuga u Rwanda mwite kubyanyu bibareba

17.02.2017 à 15:08
Boss

Mbe ko DD ko bibagiwe kuvuga ko u Bubiligi n’u Rwanda babifisemwo uruhara ?

17.02.2017 à 09:54
Mwumba

Ego Bagiye Mubiganiro None Reta Koyagiriza Abandiko Yabakoreye Ivyaha Hakaba Harabantu Ibihumbi Reta Yakoreye Ivyaha Tuzokwitwarahe ? Nabodufasaje Ko Bikwegerako Dufase Natwe Turenganugwe Turi Banyarucari

16.02.2017 à 21:34
Baru Paul

NTAKGANIRA N’IBKOZI Z’IKIBI NIBAJE HARIYA. AHUBWO BAFATWE VYIHUTA BABAZANE BACIBWE IMANZA

16.02.2017 à 16:11
boniface

Bashaka babahuze Kubiki ahubwo bokwitaba muri ICS abashatse guhirika ubutetsi ,abo tuzosanga bitabagira bazohunguka ababigize mwuruhara ubutungane buzokora.

16.02.2017 à 12:49
Ngusha

kuki Etas unis itaraganira na Alquaida ?

16.02.2017 à 12:21
######

Hhhhhh !mwibagira ningoga ariko !

16.02.2017 à 10:33
Athanas

Radio BBC iravugako abayobozi bu Burundi bafise trauma....Hatari kabisa

16.02.2017 à 09:54
Mob

Nibageragez pita aje ku murongo twihungukir kuk ntawotaha amusanga kur pouvoir yomwica.

16.02.2017 à 09:31
JUMA

turake reta yuburundi kuriyongingo yafashe yokutitaba ivyobiganiro vyakajagari kuko kobaragasuzuguro, kwisi yose abashatse gutembagaza intwaro yademokara bararonderwa bagashikirizwa ubutungane akarorero muri tirikiya nomuri burkina faso abagovye gutembagaza intwaro bose barabafashe ubu barimbere yubutungane hama muburundi ngo nyabuna nibaje mubiganiro ! nakamaramazape, ikindi naco nkabataye akazi nkabo ba Piyo ntavyohanyuma ba Rufyikiri ba hatungimana ba Onesime nka Radjabu yatorotse agasho ? nibindi birwarudubi mbonyengaho abobose bazakumariki mubiganiro ? umuhuzanawe arahuzagurika kanatsinda UNI yaravuze abakwiye kwitaba ibiganiro abaribo ko arabataronderwa nubutungane rero reta irafisivo yokutavyitaba

16.02.2017 à 09:23
kamaro

Umuntu Yitegereje Urutonde Rw’abatumiwe,n’abagize Opposition Ahanini.

16.02.2017 à 09:04
Athanase

Nti Muhonyore Arusha Kubonana Nabo Bicanyi

16.02.2017 à 08:55
Mediatrce

Mbe basha uwo mugabo pita yananiranye utaganiy nuwo muhamana woca uganira nande ?niyemere aveko kuk baramuhonyora.nazo inkoho boza ku musi abarasa barakwiye.

16.02.2017 à 07:02
JUMA

UMUHUZA YIFASHE MURI RIMWE KO NA MUZEHE YMUTUMIYE.UYU MUSI NIHO IKINYOMA C,ABAGUMYABANGA CARI KUGARAGARIRA KUKO MUZEHE YARI KUBAMENERAKO ISAHO.RETA NIBAYIGIRE NKO MURI LYBIE

16.02.2017 à 06:36
Leonidas Buyoya

Tangu nizariwe twende Tanzania Twende Tanzanzania.maishayetu Niakuchekwa mpaka mungu ashuke

16.02.2017 à 05:05
Furaha
1 | 2

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.