Bujumbura : Bamwe mu banyagihugu baridogera ishirahamwe BCCO rijejwe gukura iyarara

Yanditswe na Egide NDUWIMANA
Kuya 27 Nyakanga 2017 saa 08:16
Yasomwe : 4878
0 0

Abanyagihugu muma zoneamwe amwe agize igisagara ca Bujumbura baridogera ishirahamwe BCCO (Bujumbura Cleaning Company) rijejwe gukura iyarara mu ngo ko rimara iminsi myinshi ishobora n’ugushika ku kwezi abagize iryo shirahamwe bataje kubakurira iryo yarara. Muri iryo shirahamwe bavuga ko bakunze kugira ibibazo vy’imiduga yabo iba ifise ingorane. Muri iryo shirahamwe bavuga ko bariko baritunganya.

Abavuga ko bamara iminsi myinshi badakuriwe iyarara ni abo muma zone ya Cibitoke, Kinama, Carama, Ngagara, hamwe na Gihosha.

Mw’ishirahamwe BCCO baremera ko iminsi itari mike ishobora guhera badakuye iyarara hamwe hamwe, ariko bakavuga ko kenshi biba vyatewe n’imiduga iba yagize ibibazo, bagaca babanza kurondera abafundi bo kuyikora. Muri ico gihe, nk’uko muri iryo shirahamwe babivuga, aho hantu iyo muduga yaba yari kuja gukura iyarara, ntihaba hagitunganirijwe. Muri iryo shirahamwe bemeza ko bariko barakemura ico kibazo.

Iryo shirahamwe rivuga ko ririko rikosora utugorane twibonekeza mu gihe umukuru w’igisagara ca Bujumbura aheruka kumenyesha ko igikorwa c’ugukura iyarara mu ngo kigiye guhabwa ama koperative. Freddy MBONIMPA avuga ko mu kwezi kw’icumi kwimirije, amashirahamwe azotamenyeshwa ibisabwa kugira atangure guhiganirwa gutsindira iyo soko y’ugukura iyarara mu ngo zo mu gisagara ca Bujumbura


Kumenyekanisha

1
Frederic Nkurunziza 27-09-2017 à 10:03

Mairie ya Bujumbura irakwiye guha uruhusha ayandi mashirahamwe yoza yuganira BCCO kuko biragaragara neza ko iryo shirahamwe ryataniwe kuko rikora ryonyene. Nko muri zone Kamenge amezi abiri arakwiye iryo shirahamwe ridatora imicafu, icibonekeza nuko usanga iyo micafu irunze kumabarabara ikanasanzariraho kubera ko mumpangu abene gihugu baba babuze aho bayishira. Hari hakwiye ko Commune yose iba ifise ishirahamwe ritora imificafu bisigura ko nimiburiburi Mairie ikwiye kuba ifise ishirahamwe 3. Mairie rero yoraba ingene ikemura ico kibazo vuba bwango kugira amagar y’abenegihugu ntageramirwe.

2
Kararuza 27-09-2017 à 09:03

Ntagitangaje kirimo DD nivyo nyene bishoboreye

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha