Bujumbura : Imyiyerekano y’ugushimira Reta yakuye Uburundi muri CPI

Yanditswe na Egide NDUWIMANA
Kuya 28 Gitugutu 2017 saa 01:36
48030
1 0

Ubushikiranganji bw’intwaro yo hagati mu gihugu bwatunganije kuri uwu wa gatandatu urugendo rw’ukugaragaza umunezero w’uko Uburundi bwavuye muri Sentare mpanavyaha mpuzamakungu y’i La Haye mu gihugu c’Ubuhorande. Umuhuza w’Abarundi Edouard NDUWIMANA yifadikanije n’abanyagihugu bo mu gisagara ca Bujumbura, muri iyo myiyerekano yabaye mu ntara zose zigize igihugu c’Uburundi.

Mu gisagara ca Bujumbura, abanyagihugu isinzi bari kumwe n’abategetsi batandukanye b’Uburundi bagizwe n’umuhuza Edouard NDUWIMANA, umukuru w’igisagara ca Bujumbura Freddy MBONIMPA, umushikiranganji w’ubutugane, umushikiranganji w’imigenderanire y’Uburundi n’ayandi makungu, umushikiranganji w’uburimyi n’ubworozi, umushikiranganji w’ugutwara abantu n’ibintu, hamwe n’umwunganizi w’umushikiranganji w’intwaro yo hagati mu gihugu.

Mu kibanza citiriwe ukwikukira, Therence NTAHIRAJA umwunganizi w’umushikiranganji w’intwaro yo hagati mu gihugu yamenyesheje ko Reta y’Uburundi igiye kubandanya gutsimbataza amahoro n’umutekano mu gihugu cose, hamwe n’ugukomeza ubutungane bwigenga.

"Ntibisigura ko tugiye gusasira indava ivyaha mu gihugu cacu. Reta y’Uburundi igiye gushishikara gukomeza umugambi w’ukwubahiriza agateka ka zina muntu. Ivyo babigize urwitwazo kubera ingwano yabananiye, coup d’Etat yabananiye, bati reka turementanye ko bahohotera abanyagihugu, turabe ko ya Sentare yokora."

Therence NTAHIRAJA yamenyesheje kandi ko Reta yiyemeje kurwanya uwariwe wese yohirahira agashaka guhungabanya umutekano w’Uburundi.


Kumenyekanisha

1
Kararuza 31-10-2017 à 11:50

CPI iracafise ububasha k’ubategetsi bose bakoze amabi mu Burundi,ivyo vy’imyiyerekano ni nko kwikirigita ugatwenga,murindire sha

2
Mahoro 29-10-2017 à 18:02

Kuri Wakera n,abandi ba Aigris-radicaux nkawe naba Busurahende,Isegenya mwari mumaze iminsi musaba kwa shitani ,iyo shitanyi yabateye utwatsi.None iyindi shitani iruta iyo mwahora mwambaza muzoyivana he ko shitani ari mwe.Va mur,ako gahinga murimwo,mute utwo duhiri mugaramanye yo,musange isinzi ry,abatutsi n,abahutu bakunda UBURUNDI.Atarivyo,utwo duhiri mugaramanye mur,ako gahinga ko mumitima yanyu.nitwo tuzoyimena.Ntabutegetsi nka bwabundi mwarerewe mwo,muzosubira kubona ngaha mu BURUNDI.

3
WAKERA 29-10-2017 à 06:42

Izombonerakure n’interahamwe basuka mumabarabara zizopfa zangara.Barahumba intahe izobokera noneho muri mukwomoka! murateye agahinda

4
BUSURAHENDE 28-10-2017 à 14:47

Ni akamaramaza aho uwitwa ngo ahuza Abarundi aja mwibarabara gushigikira ukudahana ivyaha. Tuzoguma twibuka agashinyaguro yagize ahejeje guha itegeko Intambwe ngo zitandagure abantu bibereye mu masengesho i Businde. Ntituzokwibagira kandi ko ariwe yatangaje ubwa mbere ko mandat ya gatatu iteregezwa kuba. Nta gitangaza rero kirimwo mu kumubona imbere y’abagwanya ubutungane bwigenga.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha