Burundi : Ishirahamwe PAM rigiye gusubira gutanga imfungurwa inyuma y’imyaka ibiri

Yanditswe na Egide NDUWIMANA
Kuya 3 Myandagaro 2017 saa 09:54
Yasomwe : 9954
0 0

Ishirahamwe PAM (Programme Alimentaire Mondial) rimenyesha rigiye gusubira gutanga imfungurwa ku mirwi y’abantu batandukanye mu Burundi, harimwo abarwayi b’umugera wa SIDA bamaze gutangura gufata imiti y’ugupfupfahaza.

Mw’itangazo ry’ishirahamwe mpuzamakungu PAM ryo kuri uwu wa gatatu, bamenyesha ko abandi bazohabwa izo mfungurwa ari abana b’impfuvyi, abana ba ntahonikora hamwe n’abakenyezi n’abana bo mu mugambi ufasha gukingira umugera wa SIDA ku muvyeyi yokwandukiza umwana yibungenze (PTME : Prévention de la Transmission Mère-Enfants).

Imyaka ibiri niyo yari iheze ivyo bifungurwa bidatangwa, kubera ikibazo c’uburyo bwari bwabuze, nk’uko bishikirizwa na PAM.

Biciye mw’ishirahamwe ritabara imbabare mu Burundi Croix Rouge, izo mfungurwa zigiye gusubira gutangwa mu ntara zose zigize Uburundi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha