Joseph BUTORE : Ico gitabu kizofasha Uburundi gushika kw’iterambere rirama.’’

Yanditswe na MUGISHA Van Naris
Kuya 18 Mukakaro 2017 saa 01:05
Yasomwe : 6795
0 0

Icegera ca kabiri c’umukuru w’igihugu Joseph BUTORE amenyesha ko igitabo cerekana ihangiro rishikana kw’iterambere rirama (ODD : Objectif du developpement Durable) gifise akamaro kanini ku gihugu, kuko bizotuma igihugu kironka ivyo cisunga mu gushika kw’iterambere rirama.

Mu gihe yariko yugurura uruganda rwo kwemeza igitabo cerekana ihangiro ry’iterambere rirama kuva mu mwaka wa 2016 gushika mu mwaka wa 2030, icegera ca kabiri c’umukuru w’igihugu Joseph BUTORE yavuze ko umurwi watunganije ico gitabo wasanze ko Uburundi bukwiye gukorera ku mahangiro 16.

JPEG - 42 ko
Joseph BUTORE,Icegera ca kabiri c’umukuru w’igihugu

Joseph BUTORE,icegera ca kabiri c’umukuru w’igihugu yavuze ko abitavye urwo ruganda bazoronka akaryo ko guterera mu guhinyanyura neza ibiri muri ico gitabo cerekana amahangiro ashikana kw’iterambere rirama,gushika mu mwaka wa 2030.

Icegera ca kabiri c’umukuru w’igihugu Joseph BUTORE yamenyesheje ko ico gitabo cabonetse kubera ugukorana neza hagati ya Reta y’Uburundi n’Ishirahamwe mpuzamakungu ryitaho iterambere PNUD, aca aboneraho n’akaryo ko gushimira iryo shirahamwe.

Ku ruhande rwiwe,umushikiranganji ajejwe intwaro ibereye Serges NDAYIRAGIJE yavuze ko amahangiro ashikana kw’iterambere rirama ODD ari umuhamagaro w’isi yose ,kandi ari intumbero isi yose yihaye, mu ntumbero yo gushira mu ngiro ibikorwa vyo kurwanya ubukene.

JPEG - 94.8 ko
Serges NDAYIRAGIJE,umushikiranganji w’intwaro ibereye

Umushikiranganji w’intwaro ibereye yamenyesheje ko kuba hari ibiharuro bitunganirizwako imigambi ya Reta ,ari ikintu gihambaye cane kandi bifasha mw’ishirwa mu ngiro ry’imigambi n’amahangiro ya Reta.

Urwo ruganda ruzomara iminsi ibiri kuva kuri uno wa kabiri igenekerezo rya 18 Mukakaro gushika kuwa gatatu igenekerezo rya 19 Mukakar 2017, rwitabwe n’abashikiranganji,abashingamateka n’abakenguzamateka,abaserukira amashirahamwe mpuzamakungu,ba buramatari hamwe n’abaserukira amashengero.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha