CENI isaba ubushikiranganji bw’abakozi gusubiza mu kazi abafashije mu mirwi CEPI na CECI

Yanditswe na IGIHE
Kuya 20 juin 2018 saa 11:30
52470
0 0

Umurwi w’igihugu wigenga utegura amatora CENI usaba ubushikiranganji bw’abakozi ba Reta n’akazi, gusubiza ku buzi, abakozi ba Reta bari bagiye gufasha mu mirwi y’igihugu yigenga itegura amatora mu ntara no mu makomine.

Abo basabiwe gusubizwa mu kazi ka reta, ni abakozi ba Reta bo mu isata bitandukanye bari bashizwe mu mirwi itegura amatora mu ntara CEPI no mu makomine CECI, mu gihe co gutegura amatora yo kwemeza canke guhakana ibwirizwa nshingiro yo kuwa 17 Rusama 2018.

Nk’uko biri mw’ikete umurwi utegura amatora CENI wandikiye umushikiranganji w’abakozi ba Reta n’akazi, uwo murwi umenyesha ko abo bakozi ba Reta bari bafise ikiringo c’amezi atanu co gukorera mu mirwi CEPI na CECI.

Kw’igenekerezo rya 15 Ruhuhuma 2018, umurwi CENI wari wandikiye ubushikiranganji bw’abakozi ba Reta n’akazi, ubusaba ko worekura abakozi babwo bakaja gufasha mu mirwi itegura amatora mu ntara n’amakomine.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha