FENADEB isaba ko hokorwa ivyirwa ku bituma abana babandanya gukorerwa amabi

Yanditswe na Egide NDUWIMANA
Kuya 25 Munyonyo 2017 saa 11:19
Yasomwe : 3267
0 0

Mu runani rw’amashirahamwe aharanira agateka k’abana, FENADEB, basaba abahinga mu vy’ivyaha bikorwa, ko bokwiga mu buryo bukomeye ibituma amabi atandakanye amaze iminsi akorerwa abana. Muri urwo runani bagaruka ku vyabaye ntara ya Gitega kuri uwu wa gatatu, aho abana babiri baciwe ibikonjo bagirizwa ko bafashwe bariko biba ibigori mu murima.

Mu mabi amaze iminsi akorerwa abana mu ntara zitandukanye, urunani FENADEB rugaruka ku bana baturirwa, abicwa n’abavyeyi babo, abakwa ubuzima bahejeje kuvuka, hamwe n’abacibwa ibihimba vy’umubiri.

Jacques NSHIMIRIMANA, umukuru wa FENADEB amenyesha ko mu gihe ico cigwa cokorwa ku bituma ayo mabi akorerwa abana, ariho abo bahinga botanga n’intererano z’ivyokorwa kugira abana bakingirwe.

JPEG - 180.6 ko
Jacques NSHIMIRIMANA, umukuru wa FENADEB

Ihuriro FENADEB ririyamiriza ivyashikiye abana babiri ku munsi wa gatatu mu ntara ya Gitega, aho baciwe ibikonjo bagirizwa ko bafashwe bariko biba ibigori mu murima. Muri iryo huriro basaba ubutungane ko bwotunganiriza abo bana.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha