Francine NIYONSABA yabaye uwa mbere mw’ihiganwa Diamond League muri Suede

Yanditswe na MUGISHA Van Naris
Kuya 19 juin 2017 saa 08:56
Yasomwe : 8784
1 0

Umunonotsi w’umurundikazi Francine NIYONSABA yabaye uwa mbere mw’ihiganwa rya Diamond League ryabereye ku murwa mukuru w’igihugu ca Suede, i Stockholm, mu kwiruka imetero amajana umunani.

Muri iryo higanwa ryabaye kuri uno w’Imana igenekerezo rya 18 Ruheshi 2017, Francine NIYONSABA yirutse imetero 800 mu munota umwe, amasegonda 59 n’ivy’ijana 11(1’59’’11),.

Uwaje mu kibanza ca kabiri ni umunyasuwede LINDH Lovisa yirutse imetero 800 mu munota umwe, amasegonda 59 n’ivy’ijana 41(1’59’’41), mu gihe mu kibanza ca gatatu haje umunyaswisse BUCHEL Selina yirutse izo metero mu munota umwe, amasegonda 59 n’ivy’ijana 66 (1’59’’66).

Muri iryo higanwa rya Diamond League, umukinyi yama aza imbere ya Francine NIYONSABA, ariwe Caster SEMENYA ntiyari yitavye, uwo nawe akaba yaheruka kuba uwa mbere mw’ihiganwa nk’iryo nyene ryabereye mu gihugu ca Norvege kuri uwu wa gatandatu, asize umunonotsi Francine NIYONSABA yatahukanye ikibanza ca kabiri.

Mw’ihiganwa ryabereye mu gihugu ca Norvege, Fancine NIYONSABA yirutse imetero 800 mu mwanya ungana n’umunota umwe, amasegonda 58 n’ivy’ijana 18 (1’58’’18), mu gihe Caster SEMENYA yabaye uwa mbere yirutse izo metero 800 mu munota umwe, amasegnda 57 n’ivy’ijana 59 (1’57’’59).


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha