Francine NIYONSABA yashitse i Bujumbura mu karuhuko

Yanditswe na Egide NDUWIMANA
Kuya 1er Nyakanga 2017 saa 02:33
Yasomwe : 26361
0 0

Francine NIYONSABA, umurundikazi w’umunonotsi mpuzamakungu amaze iminsi avyifatamwo neza mu mahiganwa atandukanye yo ku rwego rwo hejuru kw’isi yashitse mu karuhuko i Bujumbura, mu gihugu c’Uburundi amavukiro yiwe.

Francine NIYONSABA yashitse ku kibuga c’indege ca Bujumbura igihe c’isaha zitatu n’iminota cumi n’itanu, akaba yakiriwe n’abavyeyi biwe, uwuserukira igihugu ca Reta zunze ubumwe za Amerika mu Burundi, abaserukiye ubushikiranganji bw’inkino, urwaruka n’imico kama, hamwe n’abaserukiye ishirahamwe ry’abanonotsi mu Burundi.

Uwo munonotsi rurangiranwa yabwiye umumenyeshamakuru w’ikinyamakuru IGIHE yari yagiye kumutegera ku kibuga c’indege ca Bujumbura ko aje mu karuhuko inyuma y’amahiganwa mpuzamakungu amazemwo iminsi ku mugabane wa Buraya.

Francine NIYONSABA avuga ko anezerejwe n’ukuba aje mu karuhuko mu gihugu c’Uburundi amavukiro yiwe, agashimira umuryango wiwe, abakunzi biwe hamwe n’abandi bose babandanya kumushigikira mu bikorwa vyiwe bituma ibendera ry’Uburundi rihungabana mu makungu.


Kumenyekanisha

1
Keza Gislene 1er-09-2017 à 18:02

Abarundi twese turagukunda

2
nephtalie 1er-09-2017 à 15:34

Ndakeje uyo munonotsi w’umurundikazi kw’iteka rikomeye cane amaze gutera Uburundi.Tumusabiye kugira akaruhuko keza. Nkaboneraho no gukebura n’abandi barundikazi kumwegera kugira abahugure bikomeye mubijanye n’ubunonotsi.Francine turikumwe namwe turabashigikiye.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha