Gaston SINDIMWO "Abarundi bafise ingabire zo gukina ariko ntibafise aho bavyerekaranira"

Yanditswe na Bikorimana Vianney
Kuya 19 April 2018 saa 04:24
9375
0 0

Icegera ca mbere c’umukuru w’igihugu Gaston SINDIMWO yishikiye kuraba ibikorwa vy’inyubako “Stade Olympique” y’ishirahamwe CEPEB (Association du coup d’envoi pour l’Espoir au Burundi) kugira arabe aho bigeze.

Gaston SINDIMWO yamenyesheje ko iyo nyubako izotuma inkino zitera imbere mu gihugu c’Uburundi kuko abarundi bafise ingabire zo gukina ariko ntibafise aho bavyerekeranira kuko ata bibuga biri k’urugero mpuzamakungu biriho.

Gaston SINDIMWO yavuze ko iyo nyubako izofasha amashirahamwe y’inkino zitandukanye kuronka aho zizokorera ku giciro kitavuna kuko asanzwe adafise aho akorera.

Icegera c’uwuserukira imbere y’amategeko ishirahamwe CEPEB Musenyeri Eraste BIGIRIMANA yamenyesheje ko ico kigo bariko barubaka kizofasha guteza imbere inkino zo kwinonora imitsi mu gihugu hamwe n’izindi nkino zitandukanye.

Bimwe mu bikorwa bimaze gukorwa na CEPEB n’inyigisho zijanye n’imyuga itandukanye hamwe no gushona yatanzwe ku bantu batishoboye muri komine Nyanza lac ,ihinguriro ryo guhingurira amavuta ryubatswe muri zone Kabonga I Nyanza lac hamwe n’inyigisho zijanye no gushona hamwe n’utugenegene mu Kanyosha.

Inyubako Stade Olympique izoba ifise inyubako zitandukanye ikibuga c’umupira w’amaguru,ikibuga c’umupira w’amaboko Volley Ball, ibibuga 3 vy’umupira w’amaboko Basketball hamwe n’ikibuga c’umupira Handball.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha