Gaston SINDIMWO yaserukiye Uburundi mu birori vy’ukwimika Uhuru Kenyatta

Yanditswe na Egide NDUWIMANA
Kuya 27 Munyonyo 2017 saa 02:36
Yasomwe : 15543
0 0

Umukuru w’igihugu c’Uburundi Petero NKURUNZIZA yaserukiwe n’icegera ca mbere ciwe, Gaston SINDIMWO, mu biro vy’ukwimika Uhuru Kenyatta aheruka gutorwa kurongora igihugu ca Kenya, mu kindi kiringo c’imyaka itanu. Ivyo birori bizoba kuri uwu wa kabiri mu gisagara ca Nairobi.

Nk’uko bishikirizwa na Evelyne MANIRAGABA, umuhanuzi mukuru ajejwe kumenyesha amakuru mu biro vy’icegera ca mbere c’umukuru w’igihugu, Gaston SINDIMWO aserukiye umukuru w’igihugu Petero NKURUNZIZA. Evelyne MANIRAGABA aravuga n’ubutumwa icegera ca mbere c’umukuru w’igihugu ashiriye uwugiye kurongora igihugu ca Kenya.

"Atwaye ubutumwa bw’ugukeza umukuru w’igihugu ca Kenya, Uhuru Kenyatta, nk’uko mubizi tukaba dufitaniye imigenderanire myiza n’igihugu ca Kenya."

Gaston SINDIMWO yafashe indege imushikana mu gihugu ca Kenya mu gatondo ko kuri uwu wa mbere.


Kumenyekanisha

1
Busurahende 28-11-2017 à 13:38

Hafsa, abo iyo ndege yageneye kurerura aho baheruka guhurira mu Cibitoke kwigina ko cabavunye wabonye Gaston yarimwo?

2
Hafsa 28-11-2017 à 11:13

Hhahah ya ndege yaguzwe yo kurerura umukuru w’igihugu ijejwe iki?Vice President muri Economy class muri Kenya Airways??ibi ni akamaramaza kweli

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha