Incamake

Gitega : Umuyobozi w’igisata ca Guichet Unique yizeza ko vuba bazotangura gutanga impapuro

Yanditswe na MUGISHA Van Naris
Kuya 28 février 2018 saa 10:30
4755
0 0

Umuyobozi w’igisata kijejwe gutanga impapuro za nkenerwa mu ntara ya Gitega (guichet unique) amenyesha ko mu minsi ya vuba bagiye gutangura gutanga izo mpapuro. Ferdinand MISIGARO amenyesha ko biteze ko ikibazo c’ubuhinga bwa Internete bahora bafise kigiye gutorerwa inyishu mu minsi ya vuba.

MISIGARO Ferdinand arongoye igisata Guichet Unique mu ntara ya Gitega, avuga ko kuva ico gisata cuguruwe bagumye bagira ibibazo, kuva ku bijanye no kuriha umuyagankuba, hamwe n’ikibazo c’ubuhinga bwa none internete.

Umuyobozi w’igisata ca Guichet Unique mu ntara ya Gitega, avuga ko kur’uyu wa gatatu igenekerezo rya 28 Ruhuhuma 2018, biteze umurwi w’ubushikiranganji bw’abakozi n’akazi, ari nawo biteze ko uza guheza ikibazo c’ubuhinga bwa none cari gisigaye.

MISIGARO Ferdinand yizeza abarondera izo mpapuro mu ntara ya Gitega, ko mu ndwi ya mbere y’ukwezi kwa Ntwarante, bashobora gutangura kuzironswa, batarinze gufata urugendo baja kuzironderera mu gisagara ca Bujumbura.

Igisata Guichet Unique mu ntara zo hagati mu gihugu, gitanga impauro z’inzira Passport, murekarengane (laisser passer), impapuro zo kugendesha imodoka (permis de conduire) n’izindi zahora zirondererwa mu gisagara ca Bujumbura gusa.

Mu ntara ya Ngozi, igikorwa co gutanga izo mpapuro catangujwe k’umugaragaro kuwa mbere igenekerezo rya 26 Ruhuhuma 2018, n’umushikiranganji w’abakozi n’akazi Felix MPOZERINIGA.


Kumenyekanisha

1
ELIAS KWIZERA 1er-03-2018 à 21:25

FRAMBO DE RESTE BO BITEGUYE GUTE

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha