Hakuwe Visa ku barundi baja mu Burusiya bakoresha impapuro z’inzira z’abanyacubahiro canke z’akazi

Yanditswe na MUGISHA Van Naris
Kuya 7 février 2018 saa 10:15
17640
0 0

Abarundi baja mu gihugu c’Uburusiya bakoresha impapuro z’inzira z’abanyacubahiro canke z’akazi bagiye guhora binjira muri ico gihugu batarondeye uruhusha rwo kuhaba mu gihe bamarayo iminsi itarenga 90. Umushikiranganji w’imigenderanire y’Uburundi n’ayandi makungu amenyesha ko bizofasha mu kugabanya umwanya bahora bakoresha barondera ubwo burenganzira.

Ahejeje gushira umukono ku masezerano ari kumwe na Georgy Todua aserukira igihugu c’Uburusiya mu Burundi, umushikiranganji Alain Aimé NYAMITWE yavuze ko ari intango ya mbere, ko n’ibindi bizokurikira buke buke.

Umushikiranganji w’imigenderanire y’Uburundi n’ayandi makungu yavuze ko iminsi yose hama hatangura amasezerano ku bafise impusha z’icubahiro canke iz’akazi abandi bigakurikira hanyuma.

Alain Aimé NYAMITWE umushikiranganji w’imigenderanire y’Uburundi n’ayandi makungu yamenyesheje ko ayo masezerano bayagiranye n’Uburusiya nk’uko bashobora kubikorana n’ibindi bihugu.

Umushikiranganji w’imigenderanire y’Uburundi n’ayandi makungu amenyesha ko bamaze kubona akarusho, kuko nkiyo abanyacubahiro, canke abakozi b’ubundi bushikiranganji,baba bafise ingendo umwanya bafata barondera visa uragabanuka cane.

Umushikiranganji Alain Aimé NYAMITWE avuga ko ayo masezerano yorohereza cane abazoba bagiye mu gihugu c’Uburusiya, nk’abagiye gukarisha ubwenge mu kiringo c’amezi abiri canke atatu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha