BEATIL/ALT na Fondation PANZI mu bikorwa vy’ugufata mu mugongo abakorerwa amabi mu ntambara

Yanditswe na Egide NDUWIMANA
Kuya 9 Ndamukiza 2018 saa 08:22
3300
0 0

Ikigo BEATIL/ALT (Bureau d’Etudes et d’Appui Technique aux Initiatives Locales), gifadikanije n’ikigo Fondation Panzi, vyose bikorera mu buseruko bw’igihugu ca Repuburika iharanira Demokarasi ya Kongo, ivyo bigo bikaba bifasha mu kuvura no mu gukurikirana abakorewe amabi mu ntambara, vyaremesheje ikiganiro co guhanahana ivyiyumviro, kuri uwu wa gatandatu igenekerezo rya 7 Ndamukiza, ku mashirahamwe asanzwe yitaho abakorewe amabi mu Burundi.

Tatiana Mukanire, umuhuzabikogwa muri BEATIL/ALT, amenyesha ko intumbero y’urugendo rwabo mu Burundi ari uguhanahana ivyiyumviro n’abasanzwe bitaho abakorewe amabi mu ntambara, n’ugufashanya hagati y’ibihugu bibanyi, narirya ibihugu vyo mu biyaga binini vyahuye n’ibibazo vy’intambara, ivyatumye haba amabi menshi nko gufatwa ku nguvu ku bakenyezi, ugukubagugwa, n’ayandi mabi atandukanye.

Tatiana avuga ati : « Mu buseruko bwa Kongo, abantu benshi barahohotegwa bakabura ababafata mu mugongo. Mu kigo BEATIL/ALT na Fondation PANZI turakora ukwo dushoboye mu gufata mu mugongo abahohotowe mu buryo butandukanye. Turabafasha mu kubavuza tukongera tukabafasha kwiyakira, ntibahave bahahamuka. »

Patrice KOLESA, akurikirana abagwayi muri Fondation FONZI, ashikiriza ko ukuvura abagwayi canke ukubakurirkirana mu kubarinda ihahamuka gusa bidahagije, agashikiriza ko muri Fondation FONZI batanga imfashanyo ku bashikiwe n’ingorane, bakanabafasha mu butungane.

Marlène KUBWAYO ari mwishirahamwe WID ryitaho iterambere ry’abakenyezi no gukingira ibidukikije amenyesha ko ku ruhande rwabo, bakorera cane cane mu gukinga amabi yo mu ntambara, mu kugira isekeza ryo kumenyesha ubwoko bw’amabi n’ingene abenegihugu boyirinda.

Fondation PANZI ikaba yatangujwe na Muganga Denis MUKWEGE yararonkejwe mu mwaka wa 2014 agashimwe kitiriwe SAKHALOV gatangwa n’ishirahamwe mpuzamakungu ONU.


Kumenyekanisha

1
Buregeya Patrick 10-04-2018 à 15:19

iyi nkuru tura nezerewe chane kumbona mû DR Denis Mukwege atanga imfashanyo ku bashikiwe n’ingorane bakanafasha mû butungane courage Dr Denis Mukwege que Dieu vous donnez la force pour continuer votre combat "pour la liberté de l’esprit"

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha