Ibikorwa vy’ugusigura ihindurwa ry’ibwirizwa shingiro vyatangujwe

Yanditswe na Egide NDUWIMANA
Kuya 12 Kigarama 2017 saa 02:15
34095
0 0

Ibikorwa vy’ugutangura gusigurira abanyagihugu ibijanye n’ihindurwa ry’ibwirizwa shingiro kugira baryemeze canke baryanke (Référendum) vyatangujwe kuri uwu wa kabiri igenekerezo rya 12 Kigarama 2017. Ivyo bikorwa vyabereye muri komine Bugendana, intara ya Gitega, bikaba vyatangujwe n’umukuru w’igihugu c’Uburundi Petero NKURUNZIZA.

Ivyo bikorwa vyitabwe n’abategetsi nka bose ba Reta y’Uburundi, umukuru w’inama nshingamateka, umukuru w’inama nkenguzamateka, umuhuza w’abarundi Edouard NDUWIMANA, abajejwe intwaro ku nzego z’intara n’ama komine, abaserukira ibihugu vyabo mu Burundi (Reta zunze ubumwe za Amerika, Ubushinwa, Ububirigi, Ubufaransa), abaserukira amadini, hamwe n’abanyeporitike batandukanye.

Muri abo banyeporitike ariko bitavye ivyo bikorwa, tubamenyeshe ko RWASA Agathon, umukuru w’urunani rw’abigenga AMIZERO Y’ABARUNDI atarimwo.

Aho mu ntara ya Gitega, bitegekanijwe ko ijambo nyamukuru ry’ukwugurura ivyo bikorwa rishikirizwa n’umukuru w’igihugu c’Uburundi Petero NKURUNZIZA, akaba ari nawe aca ashikiriza zimwe mu ngingo zahinyanyuwe mw’ibwirizwa shingiro. Ibiri muri iryo jambo turabigarukako mu makuru yacu yo hanyuma.

Reta y’Uburundi imenyesha inyuma y’ukwugurura ivyo bikorwa, Abarundi bazoca batangura gusigurirwa ingingo zikwiye guhinyanyurwa. Firipo NZOBONARIBA, umuvugizi wa Reta y’Uburundi :

"Muri iyo minsi ya vuba cane, hagiye gutanguzwa isekeza ry’ukumenyesha n’ugusigurira abenegihugu ingingo zikwiye guhinduka mw’ibwirizwa shingiro rihasanzwe, kugira haboneke ibwirizwa shingiro riza rikomeza ubwo bwigenge bushingiye ku butungane, Demokarasi, ukwubahiriza ukwishira n’ukwizana n’agateka ka muntu, ubumwe n’ugushigikirana."

Tubamenyeshe ko iyo nteguro y’ibwirizwa shingiro rishasha izoshikirizwa Abarundi kugira bayemeze canke bayihakane (Référendum).

Reta y’Uburundi itera akamo abantu bose kuzokwitaba ico gikorwa, kuko kubwa Reta, ari intambwe ihambaye y’amatora Uburundi bwimirije.


Kumenyekanisha

1
kankindi 15-12-2017 à 11:08

manariyo ubwo wewe ntiwokworosha umutwe ukareka kwivyimvya umutima iyo cpi niwewe uyitwara birabagoye kabisa

2
Manariyo 12-12-2017 à 14:54

Uku ni ukwikirigita ugaseka,murabesha abandi 2020 izobasanga mumvuto,ngwaho CPI

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha