Ibizorangurwa na Li YUANCHAO mu rugendo ajemwo mu Burundi

Yanditswe na NDUWIMANA
Kuya 9 Rusama 2017 saa 09:32
Yasomwe : 44838
1 0

Ubuserukizi bw’Ubushinwa mu Burundi buremeza ko icegera c’umukuru w’ico gihugu, Li Yuanchao azogendera Uburundi kuva kuri uwu wa gatatu igenekerezo rya 10 gushika kuwa gatanu igenekerezo rya 12 Rusama 2017, ku butumire bwa Reta y’Uburundi. Nirwo rugendo rwiwe rwa mbere azoba agize mu Burundi.

Zhuo Ruisheng, aserukira Ubushinwa mu Burundi avuga ko urwo rugendo ari urwo gushira mu ngiro ivyumvikanwe n’abakuru b’ibihugu vy’Uburundi n’Ubushinwa, mu nama yabereye mu gisagara ca Johannesburg muri Afrika y’epfo, mu kwezi kwa Kigarama 2015, ku bijanye n’imigenderanire hagati ya Afrika y’Ubushinwa.

Urwo rugendo ni urwo gukomeza kandi ubucuti bwamyeho hagati y’Uburundi n’Ubushinwa, kugira bushike ku rugero rwo hejuru, nk’uko vyashikirijwe na Zhuo Ruisheng aserukira Ubushinwa mu Burundi.

Muri urwo rugendo rw’iminsi ibiri mu Burundi, icegera c’umukuru w’igihugu c’Ubushinwa azokwakirwa n’umukuru w’igihugu c’Uburundi Petero NKURUNZIZA, yongere agiranire imibonano hamwe n’ivyegera bibiri vy’umukuru w’igihugu c’Uburundi, Gaston SINDIMWO hamwe na Joseph BUTORE.

YUANCHAO azogendera kandi inyubakwa ziriko zikurikiranwa n’Ubushinwa, hamwe n’izimaze guhera ariko zubatswe n’ico gihugu. Mu bibanza azogendera, twobabwira ahariko hubakwa ikirimba c’umukuru w’igihugu, inyubakwa ikoreramwo ubushikiranganji bw’ikigega ca Reta, hamwe n’inyubakwa zikorera ishure ry’imyuga ryo mu Kigobe zubatswe n’Ubushinwa.

Imigenderanire hamwe n’ugufashanya hagati y’Uburundi n’Ubushinwa yifashe neza nk’uko bivugwa n’uwuserukira ico gihugu mu Burundi, iyo nayo ikaba ibonekera mu bikorwa bitandukanye birangurwa n’Ubushinwa mu Burundi, yaba mu gisata c’amagara y’abantu, inyigisho, uburimyi, inkino, hamwe imfashanyo z’imfungurwa zitangwa n’Ubushinwa.

Nirwo rugendo rwa mbere rukozwe n’umutegetsi akomeye w’Ubushinwa, kuva imigenderanire hagati y’ivyo bihugu vyompi inaguye, kw’igenekerezo rya 21 Kigarama 1963, inyuma y’umwaka umwe gusa Uburundi buronse intahe y’ukwikukira.


Kumenyekanisha

1
BARutwanayo 9-05-2017 à 20:40

ARAKAZANEZA Muburundi agire ico afasha twebwe abarundi

2
bizimanaphilbert 9-05-2017 à 18:25

karibu. muje tubanyotewe.turindiriye uburusia nabwo ko bushika.reta nayo niyigore imwicarike kufarasi yera kuko baraduteyiteka.

3
Mwumba 9-05-2017 à 18:14

Niba n’abashinwa biba muri Africa 50 % natwe tugasigarana 50 % . Abanyaburaya bo baba bashaka ngo batware 95 % hanyuma twa dusigarane 5 % . Vive Nkurunziza . vive la chine....

4
Richal.Gi 9-05-2017 à 18:03

Uwomutegetsi Turamukeje Numvabariko Barafasha Vyishi Uburundi Nibaze Ninomuruyigi Batwubakire Inyubakwa Zakarorero Batandukanye Nababanyaburaya Bahigitiriwe Nazantwaro Zashirwaho Namakudeta Oke

5
Richal.Gi 9-05-2017 à 18:02

Uwomutegetsi Turamukeje Numvabariko Barafasha Vyishi Uburundi Nibaze Ninomuruyigi Batwubakire Inyubakwa Zakarorero Batandukanye Nababanyaburaya Bahigitiriwe Nazantwaro Zashirwaho Namakudeta

6
Mediator 9-05-2017 à 17:30

Kaze bashitsi iwacu abarota ngo ntamahoro ahari muze mubatubwirira! Ariko uburundi amoko yose yiberey mu nzego zoose abagarariji gusa nibo baciye bahunga bavuga ngo hako bicarana n, ayandi moko ngo bopfuma bihungira ngo nakare twarabateshej guturira abantu mumapine. None ubwoko baharanira bwitwa gute? Ko twese twibereye munzego z,igihugu!!?? Shame on you

7
NAHIMANA REMY 9-05-2017 à 17:24

Karibu nyakubahwa kuko abashinwa batameze nk’ababirigi(belges) bashaka akajagari mu gihugu gitekanye.

8
tororo 9-05-2017 à 13:55

Aje kubahendesha wamuceri bakora mumashashe mbe igihugu cubushinwa kibonna ariyihe nyungu kizokura mumaraso yabarundi ahubwo iyoyaba arabo nbwira baribakwiye kwitonda kuko Ngo buraca bugacana ayandi

9
Uwitonda Paster 9-05-2017 à 13:38

Ibihugu Vyaburaya Vyaduhevye Vyibaza Ngo Tuzocadupfa.Ntacotuzoba Abandi Baratubona.Tuzobaho!!

10
DD Maskini 9-05-2017 à 13:11

Aje kwishuza aya Buruguri baduhaye

11
Nibanyugwe 9-05-2017 à 11:26

Ntawankwana Bose

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha