Ico integuro y’ibwirizwa shingiro rishasha ivuga ku bitoza mu kibanza c’umukuru w’igihugu

Yanditswe na Egide NDUWIMANA
Kuya 14 Kigarama 2017 saa 09:27
94305
0 0

Integuro y’ibwirizwa shingiro rishasha rya Repuburika y’Uburundi ivuga ko Umukuru w’Igihugu yitorerwa n’abarundi bonyene ubwabo, akamara muri iryo banga ikiringo c’imyaka indwi gishobora kwisubiriza. Iyo nteguro ivuga atawushobora kurongora igihugu mu biringo birenga bibiri bikurikirana.

Nk’uko tubisanga muri iyo nteguro, uwitoza mu mabanga y’Umukuru w’Igihugu ategerezwa, kuba afise uburenganzira bwo gutora nk’uko bitegekanijwe n’Ibwirizwa rigenga amatora, kuba afise gusa ubwenegihugu bw’umurundi yavukanye, kuba akwije imyaka mirongo ine igihe c’amatora, kuba aba mu Burundi igihe yiyandikisha ngo yitoze, kuba ata kimubuza kurangura amabanga y’igihugu n’ayaporitike, kwemeza mu rwandiko ko azokwisunga Ibwirizwa Shingiro n’Amasezerano y’Ubumwe bw’abarundi, kuba atigeze yagira icaha gikomeye canke gisanzwe co mu mategeko rusangi gihanishwa igihano gitegekanywa n’ibwirizwa rigenga amatora.

Iyo nteguro ivuga ko ibwirizwa rigenga amatora ariryo ritomora ikiringo
uwitoza mu kibanza c’Umukuru w’Igihugu azoba amaze kuva ahejeje igihano kugira ngo yemererwe kwitoza.

Abitoza mu kibanza c’Umukuru w’Igihugu bashobora gushikirizwa n’imigambwe yabo canke inani z’imigambwe canke bakitoza ku giti cabo.

Uwushobora kwitoza ku giti ciwe ni uwiyandikisha ngo yitoze amaze n’imiburiburi umwaka umwe atari mu mugambwe n’umwe, akavyerekana biciye mu kutisuka mu ndyane z’imigambwe zihari mu gushikiriza imigambi yiwe ijanye n’amatora.

Uwuri mu barongoye umugambwe ashobora kwitoza ku giti ciwe ari uko harangiye imyaka ibiri akuwe muri ayo mabanga canke atanze imihoho mu mugambwe yari arimwo.

Uwitoza mu kibanza c’Umukuru w’Igihugu nawe ategerezwa guhagarikirwa n’umugwi w’abantu amajana abiri atoye bava mu moko yose n’ibitsina vyose.

Abo bantu bamuhagarikira bategerezwa kuba bakwije ibisabwa abashaka kwitoza mw’ibanga ry’abashingamateka.

Uwushaka kumenya ibiri muri iyo nteguro y;ibwirizwa shingiro, fyonda ngaha INTEGURO Y’IBWIRIZWA NSHINGIRO


Kumenyekanisha

1
AKIMANA ALLY 17-05-2018 à 17:03

Mwiriw neza shimiy abahanza bene wacu basohoy amaboko mukwubaka igihugu
hama nanje nda shomerey nta kazi fite nize( Géni civil ) conducteurs de travaux nisabira akazi kuko sanzwe ndi ntaho nikora
ico nterey saba ko hoba gutera ibiti vyishi kunkengera zamabarabara mashasha bigakinga impanuka ,ugukomera kwibarabara kandi rigantanga n’agatutu kubene gihugu bagenda n’amaguru
murakoze

2
yakuku 10-01-2018 à 21:19

nukuri ibwirizwa shingiro niryiza niyo ryubahirizwa.ntakibazo imana ifashe uburundi
.

3
kankindi 15-12-2017 à 09:57

urumusazi cpi ntawikanga uzovyimba mpaka uturike

4
kankindi 15-12-2017 à 09:50

nta cpi muribesha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha