Igihugu c’Ubudagi gisaba Reta y’Uburundi kubandanya ishira mu ngiro amasezerano ya Arusha

Yanditswe na MUGISHA Van Naris
Kuya 18 mai 2018 saa 03:42
24180
0 0

Inyuma y’amatora yo kwemeza canke guhakana ibwirizwa nshingiro, igihugu c’Ubudagi gisaba Reta y’Uburundi kubandanya yubahiriza kandi ishira mu ngiro amasezerano ya Arusha nk’inkingi y’amahoro, intwaro rusangi n’umutekano w’Uburundi.

Mw’itangazo umuvugizi w’ubushikiranganji bw’imigenderanire y’Ubudagi n’ayandi makungu yashikirije kur’uno wa gatanu igenekerezo rya 18 Rusama 2018, amenyesha ko ayo matora yaciye kubiri n’utwigoro tw’ibihugu bibanyi vy’Uburundi, ishirahamwe ry’Ubumwe bwa Afrika, Ishirahamwe Mpuzamakungu ONU, mu gutorera inyishu ya poritike ikibazo c’Uburundi.

Iguhugu c’Ubudagi kimenyesha ko kuva hatanguye indyane za poritike mu kwezi kwa Ndamukiza 2015, mu Burundi harangwa n’isinzikazwa ry’agateka ka zina muntu ku batavuga rumwe na Reta, kandi ko abarundi ibihumbi 420, bahunze igihugu.

Muri iryo tangazo, igihugu c’Ubudagi kimenyesha ko zimwe mu ngingo zahinyanyuwe mw’ibwirizwa nshingiro zivuga ibihushane n’ibiri mu masezerano y’amahoro ya Arusha, yatumye intambara zari zimaze imyaka myinshi zihagarara.

Igihugu c’Ubudagi kikavuga ko hamwe ibwirizwa nshingiro rishasha ryemejwe kandi ridashingiye ku vyiyumviro vya bose n’umwumvikano w’impande zose za poritike, bishobora gutuma igihugu gisubira mu ndyane.

Igihugu c’Ubudagi kigahamagarira Reta y’Uburundi kwemera ibiganiro bihagarikiwe n’akarere la Afrika y’Ubuseruko, kandi ishire mu ngiro ibishoboka vyose kugira ivyo biganiro bishike ku nyinshu atawe ikumira kandi ijana muri kazoza.


Kumenyekanisha

1
Busurahende 22-05-2018 à 14:16

Nta democratie ikora gurtyo. Warabonye amatora aba mu muco ibinyamakuru bavyugaye ? Ivyabaye italiki 17/5/2018 kwari ukwimaramaza.

2
sisonga 22-05-2018 à 13:50

ikibazo ni ic abarundi. kandi nibo bawuciye bati wanka kugarukana impene itararenga impinga maze ukabira nkayo. bareke bazayarondera bitagikunda. domage mon Burundi.

3
Manirakiza Eric 19-05-2018 à 13:56

Kuberako n’ivyinyuma 2005vyatunganirijwe mubiganiro nicogituma nibi vyubu vyotunganirizwa mubiganiro biramutse bibonwa mwitagenda neza.

4
Mama 19-05-2018 à 05:19

Murabadagi koko ! Mbega nindeyababwiye kuburundi arintara itwarirwa Mubudagi !? Murihenda mugire abomuhendesha amahera ngobushiremungiro ivyomwipfuriza uburundi vyoguhungabanya umutekano muzorabe kobudahitana abarundi 7 bukazohasigarabwose ahubwo murazozamwebwe komwumva muri Abadagi.

5
EMMANUEL 18-05-2018 à 21:15

UBURUNDI BWARIKUKIY NIBAREK KUBUTOTEZA NIBAREK BUBANDANY KWIYUBAKA ARIKO TWEBW TUBANDANY GUKORA NAHO ABATUGWANYA BOGWIRA

6
NF 18-05-2018 à 19:25

Dans la Démocratie c’est la majorité qui compte selon sa vraie définition et le Burundi est souverain !!!

7
NF 18-05-2018 à 19:16

Ubudage mbona buri kwihenda kuko ivyavuye mumatora ntagihinduka

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha