Incamake

Ikibazo c’amafaranga y’agaciro caragarutse mu vyabajijwe icegera ca kabiri c’umukuru w’igihugu

Yanditswe na Vianney BIKORIMANA
Kuya 13 Ndamukiza 2018 saa 10:21
15555
0 0

Bamwe mu bashingamateka n’abakenguzamateka basaba ko ikibazo c’amafaranga y’agaciro cibonekeza mu gihugu cotorerwa inyishu, kuko ikena ry’ayo mafaranga rituma habura ibintu vyinshi mu gihugu.

Ivyo babishikirije ku munsi wa gatatu uheze igenekerezo rya 11 Ndamukiza 2018, igihe icegera ca kabiri c’umukuru w’igihugu Joseph BUTORE yashikiriza abatowe n’abanyagihugu ibikorwa vyaranguwe n’ubushikiranganji 12 bwegukira ibiro vyiwe mu gice ca kabiri c’umwaka wa 2017.

JPEG - 134.9 ko
Bamwe mu bashingamateka b’Uburundi

Umukuru w’inama nshingamateka y’Uburundi Pascal NYABENDA naho yamenyesheje ko ikibazo c’amafaranga y’agaciro kiri no mu bindi bihugu atari mu Burundi gusa, yashimye kubaza namba ata biterwa vyokorwako ubushakashatsi kugira bishorwe hanze bishobore kuzana amafaranga y’agaciro.

Umushingamateka Pierre Celestin NDIKUMANA yerekanye amakenga yiwe ko mu gihe ikibazo c’amafaranga y’agaciro kitatorewe umuti vuba, gituma habura ibintu vyinshi mu gihugu.

Kurivyo bibazo, icegera ca kabiri c’umukuru w’igihugu Joseph BUTORE yishuye ati : “Bimwe mu biriko birakorwa mu ntumbero yo gutorera inyishu ikena ry’amafaranga y’agaciro hari ubushakashatsi buriko burakorwa ku biterwa vyoshobora gushorerwa hanze kugira bifashe mu kuzana ayo mafaranga mu gihugu, nk’uko bisanzwe biri ku biterwa vy’icayi n’ikawa.”

JPEG - 62.8 ko
Joseph BUTORE, Icegera ca kabiri c’umukuru w’igihugu

Kumenyekanisha

1
JOSEPH 15-04-2018 à 12:01

JOSEPH,NDBAJIJ IBIJANY NIGICIR KIJAN NUKURANKUR IBINTU BIFIS IGICIR C A AMAHERA

2
Manirakiza Eric 14-04-2018 à 08:44

Ndashimiye inama Nshikiranganje na Nkenguzamateka kurico kibazo bashize ahabona,Nivyukuri inkoni yurugo nuburyo bushimishije tudahagaze neza nkigihugu kurayo mafaranga yagaciro ntamahoro akwiye twoba dufise,Reta rero yoba magabo kurico kibazo.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha