Ikigo n’amategeko agenga abakorera bushake (volontaires) bigiye gushigwaho

Yanditswe na Pacifique BUKURU
Kuya 5 Kigarama 2017 saa 03:19
Yasomwe : 3420
0 0

Mu gihe isi yose ihimbaza kuri uwa wa kabiri umusi mpuzamakungu wahariwe ugukorera ubushake (volontariat), umushikiranganji w’inkino n’imicokama Jean Bosco Hitimana yamenyesheje ko itegeko rigenga abakorera bushake (volontariat) ririko rirahinyanyugwa mu nama nshingamateka n’ikigo c’abitangirabushake kigiye kuzoshigwaho biciye mu mugambi PNVJ (Programme National de Volontariat des Jeunes) mu ntumbero yo gufasha urwaruka kwiteza imbere batarindiriye ubuzi bwa Reta.

Umushikiranganji Jean Bosco Hitimana ashikiriza ko umugambi wo gukora ku bushake ufasha urwaruka kwijukira ibikogwa rukareka kwama rurindiriye aho Reta izobahera akazi.

« Urwaruka ruri mu bushomeri rutera rwiyongera ku buryo kuronka akazi ari ikibazo gikomeye ku rwaruka. Umugambi wo gufasha urwaruka gukora ku bushake urabafasha mu kuronka ubumenyi, kumenyera akazi bagaheza bakishingira n’amashirahamwe yo kwiyungunganya. »

JPEG - 149.3 ko
Jean Bosco Hitimana, umushikiranganji ajejwe urwaruka, inkino n’imico kama

Kezimana Marie Ange asanzwe ari mu kigo SERUKA, akaba ari mu rwaruka ruri mu bakora ku bushake mu mugambi PBF (Peace Building Found) amenyesha ko ari intambwe nini bungukira mu gukora ku bushake.

"Ndaronkera ubumenyi bwinshi bigatuma menyera akazi. »

JPEG - 122 ko
Kezimana Marie Ange asanzwe ari mu kigo SERUKA, akaba ari mu rwaruka ruri mu bakora ku bushake mu mugambi PBF (Peace Building Found

Marie Ange Kezimana ahamagarira urundi rwaruka kwijukira gukora bitanga, kandi birinde ubunebwe.

Benjamin Flowein aserukira abakorera bushake ba ONU mu Burundi, amenyesha ko mu myaka ine umugambi wo gufasha abitanga bakora ku bushake umaze, ivyashitsweko bitari bike, akamenyesha ko intambwe ikiri ndende. Ahamagarira abikorera utwabo mu Burundi gufasha urwaruka kugira baronke ubuzi.

JPEG - 133.8 ko
Benjamin Flowein aserukira abakorera bushake ba ONU mu Burundi

Umugambi PNVJ ukorera mu ntara 3 arizo Gitega, Ngozi na Bujumbura Mairie. Urwaruka rugera kuri 504 rukaba rumaze gufatwa mu mugongo n’uwo mugambi watanguye mu mwaka wa 2014.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha