Ikirangamisi c’uko Abarundi bipfuza guhunguka bava Tanzaniya bazotahukanwa camenyekanye

Yanditswe na Vianney BIKORIMANA
Kuya 6 Nyakanga 2017 saa 02:07
Yasomwe : 16623
0 0

Mu gihe impunzi z’abarundi ziri mw’ikambi y’impunzi mu gihugu ca Tanzaniya zitangura gutahukanwa guhera ku munsi wa kane igenekerezo rya 7 Nyakanga, ikirangaminsi c’ingene abo barundi bazoshikanwa mu Burundi cerekana ko gushika mu mpera z’uno mwaka, abashika ibihumbi 12 bazoba batahukanywe.

Nk’uko biri ku kirangaminsi c’uko abo barundi bazotahukanwa, ikigo co mu Kajaga muri Bujumbura rural kizokwakira abashika 432 harimwo 59 bava mu ntara ya Bubanza, 129 bo mu gisagara ca Bujumbura, 169 bo mu ntara ya Bujumbura Rural, 53 mu ntara ya Cibitoke hamwe na 22 bo mu ntara ya Mwaro bazoshika ku magenekerezo ya 7,12 na 21 z’uku kwezi kwa Nyakanga.

Ikigo co mu Gitara kiri mu ntara ya Makamba kizokwakira abashika 1690, bagizwe na 934 bava i Makamba, 572 bo mu ntara ya Rutana, 152 bo mu ntara ya Rumonge hamwe na 32 bo mu ntara ya Bururi bazoshikanwa ku magenekerezo ya 14,19,26 na 28 Nyakanga 2017.

Ibigo vya Nyabitare na Ruyigi vyo mu ntara ya Ruyigi bikazokwakira abantu 2062, harimwo 1453 bava mu ntara ya Ruyigi, 557 bo mu ntara ya Cankuzo hamwe n’abashika 52 bo mu ntara ya Gitega bakazoshikanwa ku magenekerezo ya 7,12 Nyakanga hamwe no ku magenekerezo ya 24,26 na 31 Gitugutu 2017.

Ikigo ca Songore kiri mu ntara ya Muyinga kikazokwakira abashika 1281 bava mu ntara ya Muyinga, 928 bo mu ntara ya Kirundo, 65 bo mu ntara ya Kayanza hamwe n’abashika 257 baturuka mu ntara ya Karusi.

Igice ca kabiri co gutahukana abo barundi kikazotangura kw’igenekerezo rya mbere Munyonyo gushika 31 Kigarama 2017, aho hakazotahukanwa abarenga ibihumbi 5.


Kumenyekanisha

1
Jamari mbuye 7-09-2017 à 05:47

NIBATAHE IZOMBURAKIMAZI BIBAZA KUBA IMPUNZI KWARUKUNWA UMUSOSE?
MBEGA ICARI CABATWAYE I TANZANIA CARAHEZE CANKE NTAKIKIRIHO UNOMUSI?

2
nephtalie 6-09-2017 à 15:22

nibatahuke ntamahirwe yo mw’ikambi y’impunzi bamenyere kuba mu gihugu c’abibarutse.Mu Burundi har’amahoro natwe turahabaye. Ntibazosubire guhendwa na bansumir’inda.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha