Imanza z’abakora ibidodo vya magendu zicibwa na Sentare zirwanya ibiturire

Yanditswe na Egide NDUWIMANA
Kuya 19 juin 2017 saa 08:54
Yasomwe : 3087
0 0

Ubushikiranganji bw’ubutungane bw’Uburundi bushikiriza ko ibijanye n’ukwigana inzandiko, ibidodo hamwe n’ibimangu vyafashe umurindi munini, aho ababigira basigaye bashiramwo ubuhinga bukomeye. Muri ubwo bushikiranganji bamenyesha ko babandanya gukora ibishoboka vyose kugira batuze abakora ivyo bikorwa vya magendu.

Mu ngingo zafashwe mu ntumbero y’ugutuza abigana inzandiko, ibidodo hamwe n’ibimangu, mu bushikiranganji bw’ubutungane bw’Uburundi bamenyesha ko abafashwe batosubira gushikirizwa Sentare zisanzwe, ahubwo bagashirwa imbere ya Sentare zijejwe kurwanya ibiturire, kuko ariho imanza z’abafashwe zonyaruka gucibwa.

Umuvugizi w’ubushikiranganji w’ubutungane asaba abajejwe intwaro, hamwe n’abanyagihugu ko boza baritura abajejwe umutekano, mu gihe bagize amakenga ku nzu zikora ibidodo zitabisabiye uruhusha.

JPEG - 865.3 ko
Umuvugizi w’ubushikiranganji bw’ubutungane (i buryo)

Tubibutse ko ubushikiranganji bw’abakozi n’akazi bwerekanye kw’igenekerezo rya 14 Ruheshi 2017, umukozi w’ubwo bushikiranganji yahora akora ubusuma abicishije mu gusabira uturusho abakozi ba Reta, ababaho n’abatabaho.

Nk’uko vyashikirijwe n’umushikiranganji w’abakozi n’akazi, uwafashwe azwi kw’izina rya Fabien HAKIZIMANA, akaba yahora yiba Reta abicishije mu gusabira uturusho abakozi akoresheje impapuro ziriko ibidodo vya magendu vy’ubwo bushikiranganji.

Uumushikiranganji w’abakozi n’akazi yamenyesheje ko igitigiri c’amafaranga ya Reta yari amaze kwibwa biciye muri ukwo gusabira abakozi uturusho tutabaho kizomenyekana inyuma y’amatohoza azokorwa ku mpapuro zerekana abari bamaze kuronka utwo turusho.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha