"Imbonerakure ni urwaruka ruteguye neza" - Joseph NTAKARUTIMANA

Yanditswe na Vianney BIKORIMANA
Kuya 27 Ntwarante 2018 saa 03:44
10575
0 0

Icegera c’umunyamabanga mukuru w’umugambwe uri ku butegetsi CNDD FDD amenyesha ko abavuga ko urwaruka ruhurikiye muri uwo mugambwe ari urwaruka rw’inkozi z’ikibi ari ibinyoma, kuko urwo rwaruka rusanzwe ruteguye neza.

Ivyo yabishikirije mu kiganiro yahaye abamenyeshamakuru kuri uno wa kabiri igenekerezo rya 27 Ntwarante 2018, igihe yari ahejeje kwandikisha umugambwe CNDD FDD mu murwi utegura amatora CENI kugira uzokwitabe igikorwa co kwiyamamaza mu matora yo kwemeza canke guhakana ibwirizwa nshingiro.

JPEG - 63.6 ko
Joseph NTAKARUTIMANA yakiriwe n’umukuru w’umurwi CENI, Pierre Claver NDAYICARIYE

Joseph NTAKARUTIMANA yamenyesheje ko abavuga ko urwaruka rw’mbonerakure rukubagura abashaka kuzokwigisha "Oya" ari ibinyoma kuko ijambo ryo kuvuga ko imbonerakure ari inkozi z’ikibi ryatanguye mu mwaka wa 2015 himirije amatora, aho ababishikiriza barondera ibinyoma kugira ayo matora ntabe.

Ico cegera c’umunyamabanga mukuru w’umugambwe CNDD FDD yavuze kandi ko bashima kubona ivyavuzwe kuri urwo rwaruka, ku bwiwe, ata ngaruka n’imwe vyazanye ku gihugu.

Joseph NTAKARUTIMANA yavuze ati : “Ivyo ni ibinyoma kuko urwaruka rwacu ntabwo ari inkozi zikibi n’urwaruka ruteguye neza, inkozi z’ikibi nizo zicana ntabwo ari imbonerakure zicana.”


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha