Imyidogo y’abadandaza bo mw’isoko mfatakibanza ya Kanyosha

Yanditswe na Callixte Carpe NDIKUMANA
Kuya 9 Ntwarante 2018 saa 10:50
8520
0 0

Abadandaza bo mw’isoko mfatakibanza ya Kanyosha, komine ya MUHA mu ntara ya Bujumbura-Mairie, baridoga ko bataronka ababagurira ibidandazwa vyabo bivanye n’uko inyuma y’iyimurwa ryabo badandaza bavuye mw’isoko bahora bakoreramwo ku mvo z’ibikorwa vyo kuyisanura, humvikanywe ko bose n’abakorera mu dusoko duto duto dukorera muma karitiye hagati ko bategerezwa gukorera muri ico kibanza gishasha c’imfatakibanza, ariko iyo ngingo ikaba itubahirijwe, kuko hibonekeza udusoko muma karitiye hagati.

Nk’uko tubibwirwa n’umudandaza akorera muri iyo soko atashatse kw’ivuga izina, ivyumvikanyweko ntivyagiye mu ngiro, kuko hacibonekeza udusoko two hagati muma karatiye, bigatuma abo bari mw’isoko mfatakibanza bataronka abaguzi.

Jean Pière NIYONKURU umukuru wa zone Kanyosha yashikirije ko ikibazo c’udusoko duto doto dukorera hagati muma karitiye atatuzi, ko azi amasoko mfatakibanza ahari, ariyo isoko ya Ruziba n’isoko ya Kanyosha.

Jean Pierre NIYONKURU avuga ko igikorwa co gusanura isoko nshasha zariko zubakwa ko caheze kandi ko bazishikirije ku mugaragaro, hasigaye ko bazinjira.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha