Inama nshingamateka igiye kwiga amategeko iyajanisha n’ibwirizwa nshingiro rishasha

Yanditswe na MUGISHA Van Naris
Kuya 4 juin 2018 saa 12:54
34800
0 0

Inama nshingamateka y’Uburundi yuguruye ibikorwa vyayo bisanzwe vy’ukwezi kwa Ruheshi 2018, kur’uyu wa mbere igenekerezo rya 4 Ruheshi 2018. Umukuru w’inama nshingamateka Pascal NYABENDA yavuze ko kujanisha amategeko agenga inama nshingamateka n’ibwirizwa nshingiro rishasha, ari kimwe mu bizokwigwa n’abashingamateka.

Mw’ijambo yashikirije, Pascal NYABENDA, arongoye inama nshingamateka y’Uburundi, yavuze ko mu bikorwa vy’ukwezi kwa Ruheshi, abashingamateka bazokwiga bakongera bakemeza integuro y’itegeko igenga amafaranga Reta izokoreshwa hisunzwe ibwirizwa nshingiro rishasha n’akarere ka Afrika y’Ubuseruko.

Pascal NYABENDA yamenyesheje ko, bishitse umukuru w’igihugu agashira umukono kw’ibirizwa nshingiro rishasha mu kwezi kwa Ruheshi, mu kwezi Mukakaro abashingamateka bazoca basubira mu karuhuko.

Umukuru w’Inama nshingamateka yavuze ariko ko, naho boba bari mu karuhuko, umukuru w’igihugu ashobora kubatumako mu buryo budasanzwe kugira bige kandi bemeze amategeko, mu ntumbero yo kuyajanisha n’ibwirizwa nshingiro rishasha.

Pascal NYABENDA arongoye inama nshingamateka yaboneyeho akaryo ko gukeza Reta y’Uburundi kuba yateguye amatora yo kwemeza canke guhakana ibwirizwa nshingiro ata mfashanyo ivuye hanze isavye, yashimiye kandi umurwi CENI n’abajejwe umutekano ku bikorwa bakoze mu gihe c’amatora.

Umukuru w’inama nshingamateka yahamagariye abashikiranganji gukora nk’uko bama babikora, mu kwitaba inama nshingamateka iyo ibasavye kuza gutanga umuco ku nteguro z’amategeko ziba zivuye mu bushikiranganji barongoye.


Kumenyekanisha

1
Kamana 1er-07-2018 à 15:05

Nivyiza gose ramba

2
Shigwarimenetse 1er-07-2018 à 07:04

Vyiza cane

3
Ntacontemanga ! 4-06-2018 à 23:03

None none uwonyabenda nakagwi kiwe,bagomba gukoresha ibwirizwa shingiro batarahiriye ?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha