Inama y’umutekano ya ONU ku kibazo c’Uburundi

Yanditswe na Egide NDUWIMANA
Kuya 26 juillet 2017 saa 09:52
Yasomwe : 29232
0 0

Inama y’umutekano y’ishirahamwe mpuzamakungu ONU irakorana kuva kuri uwu wa gatatu igenekerezo rya 26 gushika kurya 27 Mukakaro 2017.

Muri iyo nama y’iminsi ibiri ibera i New York muri Reta zunze ubumwe za Amerika, abagize inama nkuru y’umutekano wa ONU barabira hamwe aho ikibazo c’Uburundi kigeze, hakaba hatumiwe Benjamin William MKAPA asanzwe ari umwunganizi w’umuhuza mu matati y’Abarundi, Yoweri Kaguta MUSEVENI umukuru w’igihugu ca Uganda. Hatumiwe kandi Michel KAFANDO, intumwa idasanzwe y’umunyamabanga mukuru w’ishirahamwe mpuzamakungu ONU mu Burundi.

Mu mugambwe SAHWANYA FRODEBU bavuga ko bizeye ko abagize inama nkuru y’umutekano ya ONU baza kugaruka kw’iyubahirizwa ry’amasezerano ya Arusha, hamwe n’ugutora umuti w’ibibazo vyatewe n’ikiringo ca gatatu c’umukuru w’igihugu Petero NKURUNZIZA. Bimwe muri ivyo bibazo, nk’uko bishikirizwa na Leonce NGENDAKUMANA, icegera c’umukuru w’umugambwe SAHWANYA FRODEBU, ni ubwicanyi bubandanya kwibonekeza, ibirwanisho biri mu banyagihugu hamwe n’icuka ca poritike kitari ciza.

Leonce NGENDAKUMANA amenyesha ariko ko afise icizere ku biza kuva muri iyo nama, agasaba ONU ko yofasha mu gutora umuti w’ibibazo vya poritike biri mu Burundi.

JPEG - 174.4 ko
Leonce NGENDAKUMANA, icegera c’umukuru w’umugambwe SAHWANYA FRODEBU

Mu mugambwe UPRONA bavuga ko biteze ko muri iyo nama abatumiwe aribo Benjamin MKAPA na Michel KAFANDO baza gushikirizwa ukuri kw’ingene ikibazo c’Uburundi cifashe, ata guhengama. Abel GASHATSI, umukuru w’umugambwe UPRONA agasaba abo batumiwe ko boshikiriza ivyo babwiwe n’impande zitandukanye, mu ngendo bagize mu Burundi.

Abel GASHATSI ashikiriza kandi ko muri UPRONA bizeye ko iyo nama y’umutekano ya ONU iza gufasha gushikiriza ivyokorwa kugira abahunze Uburundi batahuke kwitegurira amatora yo mu mwaka w’2020.

JPEG - 55 ko
Abel GASHATSI, umukuru w’umugambwe UPRONA

Kumenyekanisha

1
Augustin 26-07-2017 à 16:47

Imana Ibavugiremwo kugira icuka ciza kigaruke kuko abarundi turarushe cane. Turashaka ko umuntu wese yo kubahirizwa muvyiyumviro vyiwe tukubaka igihugu cacu. Nibicare bareke kuraba inyungu zabo gusa ariko barabe inyungu za bose atawuvuyemwo niho twoshika kumahoro arama.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha