Ishirahamwe CIRID rishigikiye ibiganiro vyubakiye ku kuri kw’ibibera mu Burundi

Yanditswe na Egide NDUWIMANA
Kuya 9 Ruheshi 2017 saa 05:57
Yasomwe : 7488
0 0

Ishirahamwe CIRID (Centre Indépendant de Recherche et d’Initiative pour le Dialogue) rimenyesha ko ibiganiro bikwiye kuba mu Burundi ari ibihuza abafise ivyo bapfa bose, umukuru w’iryo shirahamwe akavuga ko ibiganiro vyiza ari ivyoba bishimikiye ku kuri kw’ibibera mu Burundi.

Mu biganiro mw’ishirahamwe CIRID bipfuza, ni uko abagira bohuriza ku vyahindutse mu Burundi, bishimikire ku bibazo nkoramutima nk’ubukene, ibibazo bijanye n’amagara y’abantu, ubutunzi, hamwe n’ubukene bw’igitoro.

Deo HAKIZIMANA, umukuru wa CIRID, mu kiganiro yahaye abamenyeshamakuru kuri uwu wa gatanu, yashikirije ko ibiganiro vyogirira akamaro Abarundi ari ibitokwirengagiza ibibazo nkoramutima vy’Abarundi.

"Uko ivyo biganiro vyokorwa, hari ica mbere kibwirizwa kuba, ni ukubishaka, bose bakabishaka kumwe, hakaganira ab vyega, abategetsi hamwe n’abashaka ubutegetsi. Birakenewe kandi ko abaganira bemerana, bakaneye umuhuza bakamwumvikanako."

JPEG - 55.9 ko
Deo HAKIZIMANA, umukuru w’ishirahamwe CIRID

Ishirahamwe rimenyesha ko kuva mu ndwi igiye gutangura, bazorungika abaserukira iryo shirahamwe kuvugana n’abaserukira amashirahamwe mpuzamakungu atandukanye yo mu bihugu vya Buraya na Amerika kugira bababwire ivyahindutse ku bivugwa ku Burundi hamwe n’ibitarahinduka, bongere babereke ivyokorwa.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha