Incamake

Ishirahamwe PARCEM ryashikirije ivyo rizoterera mu biganiro vyimirije

Yanditswe na Vianney BIKORIMANA
Kuya 23 Munyonyo 2017 saa 11:54
18855
0 0

Ishirahamwe ryishinze gukangurira abarundi guhindura ingendo n’ivyiyumviro rimenyesha ko intererano rizotwara mu biganiro vyimirije kuba i Arusha kw’igenekerezo rya 26 Munyonyo 2017 ijanye no guharanira ko amasezerano y’i Arusha aguma ariyo mushinge igihugu c’Uburundi cubakiyeko, ndetse bakazosaba kugira habe ukwihweza aho ageze mwishingwa mu ngiro ryayo mu bisata vyose. Muri PARCEM bavuga ko umuti w’ibibazo vyose vyo mu gihugu uri muri ayo masezerano y’i Arusha.

Mu kiganiro yahaye abamenyeshamakuru kuri uwu wa kane, Faustin NDIKUMANA, umukuru w’ishirahamwe PARCEM yashikirije ibintu bitanu ishirahamwe arongoye rizoshikiriza. Faustin NDIKUMANA yamenyesheje ko ubutumwa bazoshikiriza muri ivyo biganiro bujanye no gusaba gushiraho aho abarundi boza barahurira baganira kugira barabe aho ayo masezerano ageze mu gushirwa mu ngiro.

Muri PARCEM bavuga ko ico bazohagararako ari ikijanye n’ivyohinduka mw’ibwirizwa shingiro bitoza bisambura amasezerano y’i Arusha, kuko ibwirizwa shingiro rikomoka kuri ayo masezerano.

"Namba ivyohinduka vyose mw’ibwirizwa shingiro vyotuma haba icuka kibi vyoca biba birahagaze bikazoba n’ikindi gihe, igihinduka coba icozana umwizero mu banyagihuhu n’umwuka mwiza wa poritike."

JPEG - 107 ko
Faustin NDIKUMANA, umukuru w’ishirahamwe PARCEM

Uwo arongoye PARCEM yashikirije ko ibindi bazoshikiriza ari ibijanye n’ivyokorwa kugira mu Burundi hashobore kuba amatora yizewe na bose, adakumira, aciye mu muco, ashobora gutanga inzego hamwe n’ivyokorwa kugira umutekano ubonwe kumwe na bose, kugira igihugu kizoshike aho ata mpunzi n’imwe yitwa iy’Umurundi ibaho.

Muri PARCEM bavuga ko mu vyoganirwako kandi muri ivyo biganiro, hojamwo ibijanye n’ugukura igihugu mu bukene, kugira habe iterambere mu gusubiza hamwe n’abasanzwe bafasha igihugu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha