Incamake

Ishirahamwe WAP-BURUNDI ryaterereye amatora ya 2020

Yanditswe na Pacifique BUKURU
Kuya 22 Munyonyo 2017 saa 04:47
15540
0 0

Ishirahamwe ry’abakenyezi bari ku kivi c’amahoro "WAP-BURUNDI" : Women in Action for Peace in Burundi) ryatanze intererano y’amafaranga agera ku miriyoni zibiri z’amarundi mw’ibanki nkuru ya Repuburika y’Uburundi. Iyo ntererano yatanzwe ku muhingamo wo kuri uwu wa gatatu igenekerezo rya 22 Munyonyo 2017.

Mw’ishirahamwe WAP Burundi bamenyesha ko iyo ntererano ari iyizofasha mw’itunganywa ry’amatora yo mu mwaka w’2020.

Ambassadeur Rose NTAWE aserukira ishirahamwe WAP-BURUNDI, amenyesha ko intumbero y’igikorwa bakoze ari iyo gufasha kugira amatora ya 2020 azogende neza, agahamagarira ayandi mashirahamwe y’abakenyezi guterera.

«Amatora niyo mushinge wa demokarasi, ndahimirije ayandi mashirahamwe y’abakenyezi gutera intambwe nk’iyi twateye mu ntumbero yo gushikana igihugu kw’iterambere rirama ».

Rose NTAWE yongeye ashikikiriza ati : « Dutanze intererano yacu mu mpera y’umwaka ariko ukwo umwaka utashe tuzoguma dutanga intererano, kugira igihugu kizogira amatora ameze neza. »


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha