Itegeko rigenga ingabire y’amadorare imiriyoni 50 yemejwe n’inama nshingamateka

Yanditswe na Vianney BIKORIMANA
Kuya 21 Kigarama 2017 saa 09:23
15210
0 0

Inama nshingamateka yarize yongera iremeza itegeko rigenga ingabire ingana n’amadorare imiriyoni 50 yatanzwe n’ibanki y’isi ibicishije mw’ishirahamwe rijejwe ivy’iterambere IDA (Association Internationale de Developpement), ayo mafaranga ategekanywa kuzofasha mu migambi y’iterambere hamwe no kugwiza ubuzi.

Umushikiranganji w’ikigega ca Reta yari mu nama nshingamateka gusigurira abashingamateka imvo n’imvano y’iyo ngabire, Domitien NDIHOKUBWAYO yamenyesheje ko ayo mafaranga azofasha mu migambi y’iterambere ijanye no kwubaka amashure, amasoko, amabiro y’amakomine, gutunganya neza amabarabara hamwe no gushigikira imigambi y’abikorera utwabo.

Bimwe mu bibazo vyabajijwe, umushingamateka Denis KARERA yashikirije amakenga yiwe ajanye n’umugwi uza warashizweho uzokwirikirana ishirwa mu ngiro ry’iyo migambi kandi iyo ngabire itaremezwa n’inama nshingamateka.

Umushikiranganji Domitien NDIHOKUBWAYO yamwishuye ati : “Nta mugambi ushobora kuvuka utateguwe n’abantu, imbere y’uko iyo migambi ishikirizwa ibanki y’isi hariho umugwi w’abantu wayiteguye abo rero nibo baheza bagategura uyo mugambi umaze kwemeza n’inama nshingamateka.”

JPEG - 75.8 ko
Domitien NDIHOKUBWAYO, umushikiranganji w’ikigega ca Reta

Domitien NDIHOKUBWAYO yavuze ko iyo bishitse uwo mugambi ntiwemezwe n’inama nshingamteka igikorwa abo bategura iyo migambi bahawe gica gihagarara.

Ikindi cabajijwe n’amakenga ajanye n’ayo mafaranga ko ashobora kuba make imigambi yateguwe yose ntije mu ngiro.

Domitien NDIHOKUBWAYO yishuye ko niyo hataba ihindagurika rya cane rijanye no kuvunja ifaranga iyo migambi yose izoranguka kuko ivyigwa bivyerekana vyakozwe.

Inyuma yo gutosora utenenge turi muri iryo tegeko rigenga iyo ngabire, inama nshingamateka yaciye iryemeza ijana kw’ijana n’abashingamateka 112 ku bashingamteka 84 bari bitavye hamwe n’abashingamateka 28 bari batumye.


Kumenyekanisha

1
mbonankira charles 21-12-2017 à 20:52

ayo mafaranga aje hageze nanje ndumwe mubikorera ivyabo mugisata cuburimyi turi COOPERATIVE kandi tugezaho dukeneye imfashanyo mubijanye noguhingura umwimbu aderese ter 79928549/69039687/si wb/ www.cpsburundi.org

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha