"Ivy’imanza vyarabaye akayobera bahinga"

Yanditswe na Pacifique BUKURU
Kuya 28 December 2017 saa 12:14
18315
0 0

Mugihe ubunani busigaje imisi itarenga itatu, abarundi n’amakungu bakaba kugira imanza zo kuryoherwa mukw’ifurizanya umwaka mushasha mu miryango no mu babanyi, ikinyamakuru IGIHE caganiriye n’abariko baritegurira imanza z’impera y’umwaka.

Bernard Nduwimana, umwarimu mu mashuri matomato, avuga ko kugira imanza muriki gihe ari ibintu bigoye cane.Ku bwiwe, ngo imanza nk’izo zo gusozera umwaka zisigaye ari umugani kubera ubukene bwugarije imiryango.Bernard avuga ati «nta buryo bwo gukora urubanza bw’ubunani bukiboneka.Ubu umuntu arondera ukwo yoronka udufaranga twoheza ukwezi navyone bisigaye ari umuzi w’ibuye.»

Mariya Ntunzwenimana, umuvyeyi w’abana batanu, ngo kubera yamenyereje abana kubanezereza, biragoye ko kumusi w’ubunani atobagirira urubanza.Mariya avuga ati «ntibicoroshe ko dukora imanza nka kera.Hari ubukene bwinshi ariko nzokwifukafuka kugira abana baryohegwe, nayo ivy’imanza vyarabaye akayobera bahinga».

Mukanyonga Adelaïde, adandaza impuzu z’abana, avuga ko abaguzi b’impuzu batari ikirenga nko mu myaka yahera.Mukanyonga ati «nta baguzi tukironka ku bwinshi.N’abaza bavuga ngo ibintu birazimvye bagahitammwo kubiheba.Ubu turonka abadushorera bake cane gusumba n’abo twaronse ku munsi wa noheri.Nizeye ko muriyi misi ibiri isigaye abaguzi bazokwiyongera nayahandi ibintu bizoba bitugoye».

Imyidogo ikaba ari myinshi haba kuruhande rw’abaguzi, ndetse no kuruhande rw’abadandaza.


Kumenyekanisha

1
Bwenge 31-12-2017 à 13:14

Ego ni ivyukuri imanza zarabaye amayobera atari ukubera ubukene nyabuna ari ukubera Abarundi bashaka kwama mu misi mikuru, gusesagura no gushaka kwarekana ko bakomeye mukugira imanza ndenzarugero.
Imanza ni urutavanako kandi bisaba amafaranga meshi cane. Abarundi bigana abari ku butegetsi ngo bagire imanza nkabo bakibagira ko bo bababa banyuruje amamilini n’amamiliyoni baba bariko bikura akuya. Nyarucari nawe agashaka kugira nkabo. Birababaje kwama imisi yose abantu bari mu manza zitaja ntizize. Ni uburenganzira bwabo ariko hari abaguye mu mutego w’aba DD. N’uwuhejeje primaire ubu basigaye batereka.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha