Kirundo - Makamba : Amazu arenga 300 yabomowe n’imvura

Yanditswe na Egide NDUWIMANA
Kuya 20 Gitugutu 2017 saa 08:16
Yasomwe : 10107
0 0

Imvura nyinshi ivanze n’umuyaga yaguye ku mugoroba wo kuri uwu wa gatatu mu ntara ya Kirundo yabomoye amazu agera kuri 97 hamwe n’ibirasi (salle de classe) bitanu vyo kw’ishure rito rya Nyamabuye vyabomotse.

Iyo mvura yatanguye nk’igihe c’isaha cumi na zibiri z’umugoroba ku musozi Nyamabuye, komine Bugabira, intara ya Kirundo.

Imiryango yabomorewe amazu n’iyo mvura isaba abagira neza ko boyigarukirako, kuko itagira aho ikika umusaya.

Imvura yaguye irimwo umuyaga mwinshi yatumye kandi haguruka amazu atari make mu ntara ya Makamba. Muri zone Mukungu, hagurutse inzu 45 n’ishengero rya pentekoti. Zone Muyange, inzu 50. Zone Kabonga, inzu 75 n’ishengero rya "pentecôte. Zone Kazirabageni inzu 32 hamwe n’ibirasi bibiri vy’amashure. Muri Nyanza lac hagurutse inzu 28.

Muri ayo mazu yabomotse mu ntara ya Makamba, menshi muriyo ni ay’abanyagihugu baheruka guhunguka, bagasaba abagira neza ko bobagarukirako.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha