Miss Burundi Annie Bernice NIKUZE ari mw’ihiganwa rya Miss Africa muri Nigeria

Yanditswe na Pacifique BUKURU
Kuya 7 Kigarama 2017 saa 05:05
Yasomwe : 20124
1 0

Miss Annie Bernice NIKUZE yatowe nk’umwigeme mwiza, aciye ubwenge gusumba abandi barundikazi, yaraye yuriye indege igana mu gihugu ca Nigeriya yerekeza mu gisagara ca Calabar, aho yitabiriye ihiganwa rya Miss Afrika, iryo higanwa rikaba ritunganwa mu ntumbero yo gukingira ibidukikije no guhangana n’ihindagurika ry’ibihe. Ivyo bikaba bisanzwe biri mu myitwarariko ya Annie Bernice, nk’uko yabishikirije imbere yo gufata indege.

Nk’uko biri mu mugambi wiwe wo guteza imbere impano z’urwaruka, Miss Annie Bernice avuga ko gukingira ibidukikije biri mu myitwarariko yiwe, ari naco camutumye yiyandikisha mw’ihiganwa rya Miss Afrika.

« Mu vyifuzo vyanje ndakeneye kubona isi ikingiwe, ubuzima bw’abantu bumeze neza. Ivyo vyose ntivyoshoboka mu gihe ibidukikije bidakingiwe neza, tutamenye n’ingene twohangana n’ihindagurika ry’ibihe, ntaho twoshika. Ndipfuza gutahukana iryo higanwa kugira nshobore guserukira Afrika mu mugambi wo kubungabunga ibidukikije no guhangana n’ihindagurika ry’ibihe ».

Iryo higanwa rikaba ribaye ku ncuro yaryo ya kabiri, rikazoba ku musi wa gatatu igenekerezo rya 27 Kigarama 2017. Uwaheruka kuritahukana mu mwaka wa 2016 ni umunya Angola azwi kw’izina rya Neurite Mendes.


Kumenyekanisha

1
Busurahende 8-12-2017 à 13:06

Vyari kuba vyiza gusumba iyaba iryo darapo yambaye riri no kuri iyo ndege agira afate. Naye ahandi ho hageze ko yururuka iyo ndege i Lagos canke Abuja bazohava bamufata nk’umunya Ethiopia.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha