Muganga Yohani MINANI yagiriza igiporisi ko camunyaze ubutunzi bwiwe

Muganga Yohani MINANI amenyesha ko mu vyatwawe harimwo intebe, ama matelas yo kuryamako, amasafuriya n’ibindi vyose bikoreshwa mu nzu yakira ingenzi.

Kubwa Yohani MINANI abatwaye ivyo bikoresho barazwi kandi n’abanyagihugu barazi aho vyatwawe, kuko babisohoye mu nzu babona.

Muganga Yohani MINANI akamenyesha ko inzu yiwe yo kwakira ingenzi yafashwe na Reta kandi ariyo izokerekana aho ivyibwe mu nzu biri.

Mu giporisi ntibaragira ico bashikirije kuri ivyo bagirizwa na Muganga Yohani MINANI, ikinyamakuru IGIHE kikaba kizorondera umuvugizi w’igiporisi kugira agire ico ashikirije.