Mwaro : Abashingamateka bagendeye abanyeshure bakubiswe n’inkuba

Yanditswe na Egide NDUWIMANA
Kuya 14 Gitugutu 2017 saa 11:07
22830
0 0

Umushingamateka Nininahazwe Godelieve, asanzwe ari umunyamabanga Mpuzabisata ajejwe intwaro n’amategeko mu mugambwe CNDD-FDD, ari kumwe na bamwe mu bashingamateka batowe mu mugambwe CNDD FDD basanzwe bavuka mu ntara ya Mwaro, bagendeye kuri uwu wa gatandatu ishure ryisumbuye rya Mpanuka, ahaheruka kubera isanganya ku banyeshure bakubiswe n’inkuba, umwe muribo akitaba Imana.

Abo bashingamateka bamenyesha ko bari bagiye kuremesha abo banyeshure, bongere babashikirize imfashanyo y’ibikoresho vy’ishure bari bagiye bitwaje, kuko muri iryo sanganya ry’inkuba yakubise kuri iryo shure, bamwe mu banyeshure bahatakarije ibikoresho.

Iyo mfashanyo yari igizwe kandi n’imfungurwa zashikirijwe ba ntahonikora bo muri ako karere.

Tubibutse ko umwe mu banyeshure icumi bo kw’ishure rikuru rya Mpanuka riri muri komine Ndava mu ntara ya Mwaro bari bakubiswe n’inkuba kuri uwu wa mbere yitavye Imana ku bitaro vyo mu Kibimba, aho yari yatwawe kuvurirwa ari kumwe na bagenzi we bakomeretse.

JPEG - 100.7 ko
Umushingamateka Nininahazwe Godelieve, asanzwe ari umunyamabanga Mpuzabisata ajejwe intwaro n’amategeko mu mugambwe CNDD-FDD

Abo banyeshure bo kw’ishure rikuru ryisumbuye rya Mpanuka bakubiswe n’inkuba mu mvura yaguye kuri uwu wa mbere, aho akaba ari mu gihe ata minsi myinshi yari iheze, kw’igenekerezo rya 12 Nyakanga 2017, haheze iminsi mikeya gusa umwaka w’ishuri wa 2017 -2018 utanguye, kuri iryo shuri abanyeshuri batandatu bakomerekejwe n’amabati igihe ishuri ryaguruka kubera imvura ivanze n’umuyaga yaguye kuri uwo munsi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha