Ngozi : Imanza 112 z’amatati y’amatongo zaciwe na CNTB

Yanditswe na Egide NDUWIMANA
Kuya 14 Munyonyo 2017 saa 11:10
Yasomwe : 2952
0 0

Imanza zigera kw’ijana na cumi na zibiri nizo zaciwe zongera zirakurikizwa n’umurwi w’igihugu CNTB ujejwe gutatura amatati y’amatongo n’ayandi matunga, mu rugendo rw’akazi abakozi b’uwo murwi baherukamwo mu ntara Ngozi.

Muri urwo rugendo rwabaye kuva kw’igenekerezo rya 5 gushika kurya 10 Munyonyo 2017 mu ntara ya Ngozi, mu murwi CNTB (Commission Nationale des Terres et Autres Biens) bamenyesha ko imanza zirenga 70 muri izo zaciwe ari iz’amatati y’amatongo yo mu makambi y’impunzi i Kiremba, i Kabari, mu Gakere, aho hose akaba ari muri komine Kiremba.

Dieudonné MBONIMPA, umuvugizi w’umurwi CNTB amenyesha ko imanza zirenga 80 muri izo zaciwe ku mwumvikano w’abari mu matati (Arrangements à l’amiable).

JPEG - 17.7 ko
Dieudonné MBONIMPA, umuvugizi w’umurwi CNTB

Mu murwi CNTB bamenyesha kandi ko imanza zigera kuri 14 arizo zaciwe mu ntara ya Makamba, zose zikaba zaciwe ata ntureka zihabaye, nk’uko vyemezwa n’umuvugizi w’uwo murwi ashikiriza ko iyo ari intambwe ikomeye yerekana ko abanyagihugu bamaze gutahura ko uwarenganijwe ategerezwa gutunganirizwa mu vyiwe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha