"Nta bugizi bwa nabi buriho bujanye n’amatora" Umushikiranganji BUNYONI

Yanditswe na Vianney BIKORIMANA
Kuya 17 Ndamukiza 2018 saa 03:41
Yasomwe :
0 0

Ubushikiranganji bw’umutekano bumenyesha ko ata mirwi y’abagwanyi canke ubugizi bwa nabi buriho bwoba bujanye n’amatora yimirije, kuko kubw’umushikiranganji w’umutekano Alain Guillaume BUNYONI, iyo himirije ibiringo bihambaye mu gihugu nk’amatora, hibonekeza abikika mu kiza hamwe n’inkozi z’ikibi kugira bakore ivyo bipfuza.

Mu kiganiro ku bamenyeshamakuru kuri uwu wa kabiri igenekerezo rya 17 Ndamukiza 2018, ariko ashikiriza ivyaranguwe n’ubushikiranganji bw’umutekano mu mezi 3 aheze, umushikiranganji w’umutekano Alain Guillaume BUNYONI yamenyesheje ko ata mirwi y’abagwanyi iriho naho hibonekeje ibitero vy’ibisasu ntezwantoki “Grenade”, imitego ikorwa ku miduga nko mu bice vya Gihanga canke kw’ibarabara rya Rugombo.

Alain Guillaume BUNYONI yavuze ko abantu bakwiye gukura mu mutwe ivyo kwiyumvira imirwi igwana kuko imitego yahora ikorwa yagabanutse ugereranije n’ibihe biheze.

JPEG - 107.1 ko
Alain Guillaume BUNYONI, umushikiranganji w’umutekano

Umushikiranganji Alain Guillaume BUNYONI yamenyesheje kandi ko hari abantu canke "imburakimazi" zisigaye zikoresha inkoho mu buryo bushasha bwo kwihorana.

Uwo mushikiranganji w’umutekano yemeza ko n’igitero ca nyuma giheruka gukorwa basanze ari abantu bahawe amafaranga kugira bice umudandaza batumwe n’abandi badandaza kandi gushika ubu abo bantu akemeza ko bafashwe.

Ubushikiranganji bw’umutekano bubishikirije mu gihe mw’ijoro ryo kuri uwu wa mbere, abitwaje inkoho bategereye umuduga kw’ibarabara bica abantu batatu, abandi bane barakomereka.


Kumenyekanisha

1
Namahoro 17-04-2018 à 19:59

Komera mutama,mu burundi nahoro.

2
niyungeko sositeni 17-04-2018 à 19:48

nibasingeho sh twarikukiy abarundi twamenyumbweng mureyo mbemwebwe ntason namagamb bavug ntibizaducintege twitorer umubyeyiwacy udukunda ukunda uburund nkurunziz abarund tuzakurwima irintor uzirushintambwe

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha