OIM yateguye inyigisho z’ukugwanya urudandazwa rw’abantu

Yanditswe na Vianney BIKORIMANA
Kuya 22 mai 2017 saa 02:25
Yasomwe : 3672
0 0

Intwazangabo z’igiporisi zigiye kuronswa inyigisho z’imisi itatu kuva kuri uwu wa mbere gushika ku musi wa gatatu, mu ntumbero yo kubakarihiriza ubwenge ku bijanye n’ukugwanya urudandazwa rw’abantu hamwe no gufasha abantu bahuye n’urwo rudandazwa.

Crespo Santiago Perez aserukira ishirahamwe mpuzamakungu rijejwe abimukira (OIM) mu Burundi amenyesha ko izo nyigisho baziteguye kuko kuva mu mwaka uheze wa 2016 habaye ihindagurika ry’ibihe hamwe n’ibindi biza vyatumye haba uruja n’uruza kw’’isi yose, gutyo bituma haba urudandazwa rw’abantu ku rugero runini.

Crespo aserukira OIM mu Burundi yongera kandi akavuga ko iruhande y’izo nyigisho ku ntwazangabo z’igiporisi, iryo shirahamwe risanzwe ritanga imfashanyo ku bakozweko n’urudandazwa rw’abantu na cane cane iyo bagarutse mu gihugu cabo.

Commissaire Hatungimana Jimmy ajejwe igiporisi c’imbibe, amenyesha ko urudandazwa rw’abantu ruriho kandi rukorwa mu buryo bwinshi butandukanye.

Hatungimana yamenyesheje ko urwo rudandazwa mu Burundi ruhari, na cane cane ku bigeme hamwe n’abapfasoni, ivyo bikerekanwa n’igitigiri kinini c’abigeme bari hagati y’imyaka 20 na 35 usanga ku giporisi c’imbibe barondera impapuro z’inzira.

Mu ntumbero yo kugwanya urwo rudandazwa mu Burundi, Commissaire Hatungimana Jimmy amenyesha ko Reta yihaye umugambi wo kutaronsa impapuro z’inzira aho nyene abo bigeme, naho boba barahejeje kwandika umwidondoro wabo, kuko basanze benshi muribo bakoresha urwenge, bakavuga ko bagiye mu miryango yabo muri Afrika y’epfo. Bamaze gushikayo, baca bafata inzira ibashikana mu bihugu vy’Abarabu na cane cane muri Arabiya Saudite hamwe na Omani, nk’uko Hatungimana yabishikirije.

Ku vyerekeye amashirahamwe afasha abo bigeme kugira bashike muri ivyo bihugu, Hatungimana Jimmy amenyesha ko bafashanije n’igiporisi, abo bajejwe ayo mashirahamwe barahagaritswe bongera barashengezwa mu butungane.


Kumenyekanisha

1
uwimanayagiriyubuntu 22-05-2017 à 16:35

Emwe amasengesho yabarundi yobayishuwe kukotwaritwahomvyevyinshi mubuzima bvyobabibaye mitende hamwevyobarivyo bataduhenda

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha