Mw’itangazo ishirahamwe OLUCOME ryasohoye kw’igenekerezo rya 16 Rusama 2018, OLUCOME rimenyeshako ivyo bikorwa vyakozwe bihonyanga ibwirizwa nshingiro kuko ingingo ya 69 ivuga ko amatungo ya Reta ategerezwa kwubahirizwa kandi agakingirwa.

Muri ryo tangazo, Gabriel RUFYIRI arongoye OLUCOME avuga ko mu gihe iryo tegeko ritubahirijwe canke hakaba kudandaza amatungo ya Reta ,igiturire,kunyuruza amatungo canke igikorwa cose kiza conona ayo matungo vyategerezwa guhanwa n’itegeko ribijejwe.

OLUCOME irangiza itera akamo Reta guhindura ingendo kugira yisunge itegeko rikingira amatungo ya Reta n’uburyo bwayo,imigambwe nayo iterwa akamo n’iryo shirahamwe guheba gukoresha imiduga ya Reta n’ubundi buryo bwayo mu bikorwa vyo kwiyamamaza hamwe no guheba gutwara abanywanyi babo mu miduga itagenewe kwunguruza abantu.