Patiri Adolphe NTAHONDEREYE yashinguwe

Yanditswe na
Kuya 16 Rusama 2017 saa 01:18
Yasomwe : 17649
0 0

Patiri Adolphe NTAHONDEREYE aheruka kwitaba Imana yashinguwe kuri uwu wa kabiri igenekerezo rya 16 Rusama 2017, inyuma y’inkuka y’imisa yo kumusabira yabereye kuri Cathédrale Regina Mundi, mu gisagara ca Bujumbura.

Iyo misa yasomwe na Musenyeri Evariste NGOYAGOYE, umwungere wa Archidiocèse ya Bujumbura, ari kumwe na Musenyeri Yohakimu NTAHONDEREYE, umwungere wa Diocèse ya Muyinga, hamwe n’abandi basaseredoti basangiye ubutumwa na Patiri Adolphe NTAHONDEREYE kuri Paruwasi yitiriwe Umweranda François Xavier yo mu Gatumba, n’ahandi.

Umuryango w’uwo mukozi w’Imana nawo nyene wari muri iyo nkuka y’imia, aho twobabwira se wiwe, hamwe n’abakirisu bo kuri Paruwasi yo mu Gatumba yarangurirako ubutumwa.

Patiri Adolphe NTAHONDEREYE, umwe mu bantu bane bari banyurujwe n’abitwaje ibirwanisho kw’ibarabara Bujumbura - Gatumba yitavye Imana, inyuma y’iminsi cumi n’indwi yari iheze abari bamunyuruje bamurekuye.

Yari yafashwe kw’igenekerezo rya 9 Ndamukiza 2017, mu gitero c’abantu bitwaje ibirwanisho cakozwe ku modoka barimwo yunguruza abantu ibavanye mu gisagara ca Bujumbura. Iyo modoka yarashwe igeze hafi y’urubibe rugabura karitiye ya Kajaga na karitiye ya Gatumba.

Muri Diyoseze nkuru ya Bujumbura bamenyesha ko bakiranye umubabaro ntangere urwo rupfu rwa Patiri Adolphe NTAHONDEREYE yitavye Imana ahitanywe n’indwara yanyuwe n’uburuhe yagize ariko atwarwa muri Repuburika iharanira intwaro rusangi ya Congo, aho abamunyuruje bamutwaye, bongera bamugarukana n’amaguru umunsi arekurwa.


Kumenyekanisha

1
Ndayishimiye Gilbert 18-05-2017 à 05:29

Imana Imwakire Kandi Imuhe Uburuhukiro Buhoraho

2
AJ 17-05-2017 à 07:00

NONE ABOBAGIZI BANABI BOBABARI BAMUNYURUJE BAMUHORIKI?

3
marmotte peasant 16-05-2017 à 15:23

Imana Imwakire mubwami bwayo, asize umugore n’abana bane aho mu Kinama, Commune Ntahangwa

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha