Radiyo BONESHA FM ntiyaronse urupapuro yarondera mu butungane

Yanditswe na Egide NDUWIMANA
Kuya 23 Ntwarante 2018 saa 11:42
15660
0 0

Urupapuro insamirizi BONESHA FM yari yatumwe mu butungane bw’Uburundi kugira isubire kwemererwa gusamirana yarubuze, nk’uko bishikirizwa na Agnes BANGIRICENGE, umuvugizi wa Sentare ntahintuzwa. RSF Bonesha FM yari yasabwe n’urwego CNC rujejwe kugenzura itangazamakuru mu Burundi, ko yotanga urupapuro rwerekana ko idakwirikiranwa n’ubutungane.

Urwego rw’igihugu rujejwe kugenzura no gucungera ibinyamakuru mu Burundi CNC (Conseil National de la communication) rwaheruka kumenyesha ko rwasanze ivyasabwe n’iradiyo RSF Bonesha FM ko yosubira gukora bihuye n’itegeko rijejwe kumenyesha amakuru, ariko muri CNC bakavuga ko mu gusuzuma basanze hariho bimwe bikibura muri iyo dosiye ya radiyo RSF Bonesha FM.

Agnes BANGIRICENGE, umuvugizi wa Sentare ntahinyuza aremeza ko insamirizi BONESHA FM yasavye urwo rupapuro mu butungane, ariko ko itashoboye kuruhabwa.

"Uwuserukira Radio Bonesha FM yarandikiye ikete umushikirizamanza kizigenza wa Repuburika asaba urupapuro rwerekana ko badakurikiranwa n’ubutungane. Umushikirizamanza kizigenza wa Repuburika yaramwishuye kw’igenekerezo ry’umunani ukwezi kwa gatatu, yaramubwiye ko bidashoboka, urwo rupapuro rudashobora gutangwa kubera hariho ama Dosiye Bonesha iriko iragirwako amatohoza."

JPEG - 92.6 ko
Agnes BANGIRICENGE, umuvugizi wa Sentare ntahinyuza (i buryo)

Kumenyekanisha

1
Mahoro 25-03-2018 à 11:36

Mfise ikibazo hano sinziko ndakironkera inyishu:Ayo maradiyo yugawe na nde? Ubwo izatewe zose igihe ca Coup d’État zarasavye urwo rupapuro?
Na Rema FM?
Dukwiye gutandukanya iradiyo n umuntu

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha