Accueil > Amakuru > u Burundi > Reta y’Uburundi yahagaritse iyinjizwa ry’ibitungwa biguruka mu (...)
Reta y’Uburundi yahagaritse iyinjizwa ry’ibitungwa biguruka mu gihugu
mercredi 22 Ruhuhuma 2017
Reta y’Uburundi ibicishije mu bushikiranganji bw’uburimyi n’ubworozi yafashe ingingo yo guhagarika iyinjizwa ry’ibitungwa biguruka biva mu gihugu c’Ubuganda n’ibindi bihugu vyamaze kumenyekana ko birimwo indwara y’akamangu k’inyoni.
Mw’itangazo umushikiranganji w’uburimyi n’ubworozi Deo Guide RUREMA yashikirije kuri uno wa kabiri igenekerezo rya 21 Ruhuhuma,umwaka wa 2017,amenyesha ko indwara y’akamangu ari indwara yandukira cane kandi ishobora kwica.
Muri iryo tangazo,umushikiranganji w’uburimyi n’ubworozi yamenyesheje ko indwara y’akamangu k’inyoni ishobora gufata ibikoko harimwo ibibana n’abantu canke ibikoko biba mw’ishamba.
Indwara y ‘akamangu k’inyoni iramaze kwibonekeza mu gihugu c’Ubuganda hamwe n’ibindi bihugu vyegereye igihugu c’Uburundi.
IGIHE
