Ruyigi-Bweru:Bamwe mu bakozi ba Reta basaba ko ingingo yo kurihishwa amafaranga 5000 ihagarara

Yanditswe na MUGISHA Van Naris
Kuya 9 juin 2017 saa 08:49
Yasomwe : 6849
0 0

Bamwe mu bakozi ba Reta bakorera muri komine Bweru iri mu ntara ya Ruyigi basaba ko ingingo yo kubarihisha amafaranga ibihumbi bitanu yo guterera mu nyubako z’ingoro y’umugambwe CNDD FDD yohagarara.

Abakozi ba Reta muri Komine ya Bweru na cane cane abatari mu mugambwe CNDD-FDD bamenyesha ko ingingo yo kurihishwa amafaranga ibihumbi bitanu ku muntu ari iyije kubacinyiza na burya igihugu kirangwamwo ubukene.

Abo bakozi ba Reta batari mu mugambwe CNDD FDD basaba ko ingingo yo kurihishwa iyo ntererano yofata abari mu mugambwe CNDD-FDD bonyene, kuko bisa n’uko umukuru w’umugambwe yobasaba gutanga iyo ntererano yubaka inzu yiwe.

Umukuru w’umugambwe CNDD-FDD muri komine Bweru, Josaphat BWAMPAMYE aremera ko hari amafaranga ariko arasabwa kugira afashe mu kwubaka ingoro y’umugambwe, ariko akavuga ko abayoboke b’umugambwe CNDD-FDD bakorera Reta aribo bonyene basabwa iyo ntererano.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha