Rwanda : Abaganga b’abarundi bahawe akazi

Yanditswe na BIKORIMANA Vianney
Kuya 21 Ruheshi 2017 saa 12:37
Yasomwe : 24750
0 0

Abaganga b’Abarundi bahungiye mu gihugu c’Urwanda baronkejwe akazi muri ico gihugu inyuma yaho batangiye ivyangombwa bibemeza ko ari abaganga bwite babifitiye ububasha.

Umwe mu baganga b’abarundi baronse akazi, Dr Diane KANEZA yavuze ko basabwe gutanga ivyemeza ko ari abaganga kugira baronswe akazi. Yavuze ati : “Twasabwe gutanga ivya ngombwa, abatanze ibikwiye twaciye turonka uburenganzira bwo gutangura akazi. ”

Umuganga Diane Kaneza umurundikazi akora ku bitaro vya Kibagabaga yavuze ko muri buri bitaro biri aho mu Rwanda usanga hariho umuganaga w’umurundi ahakorera.

Muganga Jean Chrysostome Nyirinkwaya asanzwe arongoye ibitaro vy’igenga vya “ La Croix du Sud ” amenyesha ko nawe nyene asanzwe akoresha abaganga 4 b’abarundi basanzwe ari abahinga mu kuvura indwara z’abagore.

Gushika ubu, bivugwa ko hari abaganga 12 b’abarundi mu Bitaro vya Masaka, 12 mu bitaro vya Nyagatare na 11 mu Bitaro vya Kirehe.


Kumenyekanisha

1
Banzubaze 23-06-2017 à 12:29

@Kamariza
"...bazi ko gutwara igihugu ari ukunwa biyeri, kurasa no kubadarara ku ntebe gusa."

Biriko biraza! Mu gihe giheze mwavuga ko badashobora kumenya kurasa; ngo ingoho boyicurika.
Ubu muremeye ko ivyo babimenye.
N’ibindi bazobimenya kuko mu mitwe yabo hariyo ubwonko s’amabuye ariyo!

2
eric 21-06-2017 à 17:52

hasigaye abasirikare nabo

3
Kamariza 21-06-2017 à 14:54

Ndabakeje,
Mwigendere aho bategera icarico umuganga, icarico kwiga atari mu baraho binziragitabo, bazi ko gutwara igihugu ari ukunwa biyeri, kurasa no kubadarara ku ntebe gusa. Ibihugu vyose bitezwa imbere no guha agaciro formation , recherche...Gukina umupira, kwama muri za alleluia sivyo bizoteza imbere abantu bo hakuno ya Kanyaru.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha