’’Tuzokwama tuzirikana iragi ryiwe’’-Petero NKURUNZIZA

Yanditswe na MUGISHA Van Naris
Kuya 6 avril 2018 saa 01:36
26175
0 0

Uburundi bwibutse imyaka 24 iheze umukuru w’igihugu Cyprien NTARYAMIRA yitavye Imana. Ibirori vyatangujwe n’imisa yasomwe na Musenyeri mukuru wa Diyoseze Bujumbura Evariste NGOYAGOYE, muri Cathedrale Regina Mundi. Umukuru w’igihugu, icegera ciwe ca mbere, abashingamateka, abashikiranganji n’intwazangabo mu gisirikare n’igiporisi bari bitavye ibirori.

Umukuru w’igihugu Cyprien NTARYAMIRA yitavye Imana kw’igenekerezo rya 6 Ndamukiza 1994, mw’isanganya ry’indege ryabereye hejuru y’ikibuga c’indege c’i Kanombe mu gihugu c’Urwanda, ari kumwe n’abashikiranganji babiri, uwo kumenyesha amakuru n’uwo iterambere ry’amakomine.

Kur’uno wa gatanu igenekerezo rya 6 Ndamukiza 2018, inyuma y’imyaka 24 iheze umukuru w’igihugu Cyprien NTARYAMIRA yitavye Imana, umukuru w’igihugu c’Uburundi, Petero NKURUNZIZA, abicishije ku rubuga rwiwe rwa Twitter amenyesha ko bitebe bitebuke, ukuri kuzoja ahabona, abakoze ubwo bwicanyi babihanirwe.

Ati : « Uyu musi imyaka mirongo ibiri n’ine irarangiye Abarundi bahekuwe Umukuru w’igihugu Cyprien Ntaryamira n’abashikiranganji babiri bari kumwe. Tuzokwama tuzirikana iragi ryiwe. Bitebe bitebuke ukuri kuzoja ahabona kugira ngo abakoze ubwo bubisha babihanirwe. »

Cyprien NTARYAMIRA yari yize ibijanye n’uburimyi mu gihugu c’Urwanda, imbere y’uko atahuka mu Burundi akazezwa amabanga mu gisata c’uburimyi, gushika aho aba umushikiranganji w’uburimyi n’ubworozi, imbere y’uko aba umukuru w’igihugu.


Kumenyekanisha

1
NSHIMIRIMANA PATRICK 10-04-2018 à 18:29

Haaaa ukuri kubarundi ni nkumuzi wibuye

2
lg 9-04-2018 à 08:43

Ntaryamira umunsi we wari wageze ntiyagombaga kuwurenza kuko abari muli iriya ndege babakuye mo ngo Ntaryamira na bariya bapfanye. babone mo umwanya abayihanuye, we nta kibazo bari bafitanye urupfu nirwo rwamushakaga bitinde bite buke *nibade !!!!nibande birukiye gutwara, icyuma cyamakuru indege igira !!!ni bande bari barinze ikibuga ni bande bari mukigo cya gisilikare nibande batashakaga, ko hasinywa amasezerano ba bagosora, bari baratangaje, iki ! nibande bakoze enquette ! !!batangaje iki !!abandi 2010 abongeye, batangaje iki !mushaka ukuhe kuri !!!

3
Mukono 9-04-2018 à 08:20

Wewe wiyita Ridimix-b,wombwira ico Ntaryamira yaragiye gukora mu Rwanda ?un President asaba lift mugenzi wiwe kuva ryari ?u Rwanda yaco murubeshera ni ububegito bw’indongozi zacu ,umugambi wa Habyarimana na Ntaryamira wari uwo kurimbura Abatutsi,ivyo birazwi

4
Ridimix-b 7-04-2018 à 10:36

Urwanda Rurivanga.Kandi Imana Izobahana.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha